Syudad han Lapu-Lapu

Tikang ha Wikipedia

**Syudad han Lapu-Lapu**

Nahamutangan
Mapa han Sugbo nga nagpapakita kon hain nahamutang an Syudad han Lapu-Lapu
Gobyerno
Rehiyon	Butnga nga Kabisay-an (Rehiyon VII)
Probinsya	Sugbo
Distrito	ika-unom nga distrito han Sugbo
Mga Baranggay	30
Income Class:	syahan nga klase; urbano
Alkalde/Mayor	Arturo Radaza
Kahimo nga Syudad	Hunyo 17, 1961
Pisikal nga mga karakteristika
Populasyon Total (2000) Densidad	217,019 3,379/km²

An Syudad han Lapu-Lapu usa nga syahan nga klase nga syudad ha lalawigan o probinsya han Sugbo ha Butnga nga Kabisay-an nga rehiyon han Kabisay-an ha Pilipinas. An kahalugan han syudad naglalakip han kadam-an nga bahin han Isla han Mactan, nga nahamutang hin usa ka kilometro ha timugan o salatan-sidlangan tikang han isla han Sugbo, ngan naglalakip gihapon an Syudad han Lapu-Lapu an bug-os nga Isla han Olango nga nahamutang hin lima ka kilometro ha timugan ngan pipira pa nga mga puro. An Syudad han Lapu-Lapu kabahin han darudako nga Metropolitano nga Kahaluag han Cebu o Metro Cebu nga nahasentro ha Syudad han Sugbo.

Sumala han census han tuig 2000, mayda ini populasyon nga 217,019 ka tawo ha 44,439 nga mga panimalay.

Nahasumpay an Syudad han Lapu-Lapu ha Syudad han Mandaue han Isla han Sugbo pinaagi hin duha nga tulay: an Tulay Mandaue-Mactan ngan an Tulay Marcelo Fernan. Tikang ha Mandaue, an kapital han probinsya nga amo an Syudad han Sugbo mga lima ka kilometro la an distancia.

An kahaluag han yana nga syudad gintawag nga Mactan ugsa han pag-ulpot han mga Espanyol. An mga Agustiniano nagtukod han bungto han Opon han tuig 1730 ngan amo ini an ngaran han bungto hangtod han tuig 1961 nga diin ini ginhimo nga syudad ngan ginbalyo-an an ngaran ha dungog ni Lapu-Lapu, an sinisiring nga syahan nga Pilipino nga bayani nga dida han 1521, nagdaog patok han Portugues nga hi Fernando de Magallanes.

An Mactan-Cebu International Airport (o Aeropuerto Panglangyaw han Mactan-Cebu kun ha Winaray) nahamutang ha Syudad han Lapu-Lapu ngan amo ini an ikaduha nga dako in buhat nga aeropuerto han nasod.

[igliwat] Mga Baranggay (Mga Barrio)

An Syudad han Lapu-Lapu ginbahin ngadto hin katloan (30) nga mga baranggay.

Agus
Babag
Bankal
Baring
Basak
Buaya
Calawisan
Canjulao
Caw-oy
Cawhagan
Caubian
Gun-ob
Ibo
Looc
Mactan

Maribago
Marigondon
Pajac
Pajo
Pangan-an
Poblacion
Punta Engaño
Pusok
Sabang
Santa Rosa
Subabasbas
Talima
Tingo
Tungasan
San Vicente

[igliwat] Mga Kiritaon

Mactan Export Processing Zone (I & II)
Cebu Light Industrial Park
Marcelo Fernan Bridge Park
Vanno Beach
Plantation Bay Resort & Spa
Maribago Blue Waters
Waterfront Airport Hotel
Shangri-La's Mactan Island Resort and Spa
Cebu Hilton Resort and Towers
Punta Engaño (Mga Monumento kan Lapu-Lapu ngan Magallanes)
SDR Serviced Apartments
Marina Mall
Mactan Coral Golf Club
Cebu Yacht Club (on Mactan Island)
Mactan Shrine
Scuba Diving off the Mactan Coast

[igliwat] Mga Litrato

Cebu Hilton Resort and Towers, Lapu-lapu City, Metro Cebu

Shangri-La's Mactan Island Resort and Spa, Lapu-lapu City, Metro Cebu

[igliwat] Kitaa Gihapon

Metro Cebu
Gun-ob

[igliwat] Mga Sumpay ha Gawas

Mga Syudad ngan Bungto han Metro Cebu
Mga Syudad:	Danao \| Lapu-Lapu \| Mandaue \| Sugbo \| Talisay
Mga Bungto:	Carcar \| Compostela \| Consolacion \| Cordova \| Liloan \| Minglanilla \| Naga \| San Fernando \|


	Mga Syudad ngan Bungto ha Sugbo
	Mga Syudad:	Danao \| Lapu-Lapu \| Mandaue \| Sugbo \| Talisay \| Toledo
	Mga Bungto:	Alcantara \| Alcoy \| Alegria \| Aloguinsan \| Argao \| Asturias \| Badian \| Balamban \| Bantayan \| Barili \| Bogo \| Boljoon \| Borbon \| Carcar \| Carmen \| Catmon \| Compostela \| Consolacion \| Cordoba/Cordova \| Daanbantayan \| Dalaguete \| Dumanjug \| Ginatilan \| Liloan \| Madridejos \| Malabuyoc \| Medellin \| Minglanilla \| Moalboal \| Naga \| Oslob \| Pilar \| Pinamungahan \| Poro \| Ronda \| Samboan \| San Fernando \| San Francisco \| San Remigio \| Sta. Fe \| Santander \| Sibonga \| Sogod \| Tabogon \| Tabuelan \| Tuburan \| Tudela