Asturias, Sugbo

Tikang ha Wikipedia

An Asturias usa nga ika-upat nga klase nga bungto ha lalawigan o probinsya han Sugbo o Cebu, ha Butnga nga Kabisay-an nga rehiyon ha Kabisay-an ha Pilipinas. Sumala han 2000 census, mayda ini populasyon nga 38,961 ka tawo ha 7,964 nga mga panimalay.

Nahamutang ini ha 10°34'N 123°43'E (o 10°34' ha Amihanan nga latitud ngan 123°43' ha Sidlangan nga longitud). Ginsasapitan an Asturias han Bungto han Tuburan ha Amihanan; han Bungto han Balamban ha salatan, han Syudad han Danao ha sidlangan ngan han Estrecho Tañon ha katundan.

Sulod 1 Mga Baranggay 2 Kaagi 3 Mga Opisyales 4 Mga Sumpay ha Gawas

[igliwat] Mga Baranggay

An Asturias ginbahin ngadto hin karuhaan kag pito (27) nga mga baranggay. Han hini, pito (7) nga mga baranggay nahamutang ha may baybayon han dagat samtang karuhaan (20) nahamutang ha sulod o iraya.

Agbanga Agtugop Bago Bairan Banban Baye Bog-o Kaluangan Lanao Langub Looc Norte Lunas Magcalape Manguiao

New Bago Owak Poblacion Saksak San Isidro San Roque Santa Lucia Santa Rita Tag-amakan Tagbubonga Tubigagmanok Tubod Ubogon

[igliwat] Kaagi

An syahan nga ngaran han Asturias amo an 'Naghalin', tikang han pulong nga 'lalin', an Binisaya nga Sinugboanon nga pulong para hin mga nangungukoy nga nagtikang hin mga higrayo nga mga lugar. An syahan nga mga nangukoy ha Asturias tikang hin mga iba nga mga bungto ngan mga hagrani nga mga isla sugad han Bohol. Han pagtikang, in bahin han Naghalin lakip han Pueblo (bungto) han Tuburan ngan in usa pa nga bahin nalakip han Pueblo (bungto) han Balamban. Ha pagtika-iha, an mga nangungukoy han Naghalin nagtikadamo tungod han mga nangangabot ngan han pagdamo han katawhan. Ha pagtika-iha an mga tawo naghangyo han anay kolonyal nga gobyerno han Espanya nga maghatag ha ira han ira kalugaringon nga gobyerno lokal. Ginhatag an ini nga gin-aro dida han mga urhe nga bahin han siglo 1700 han Hadi han Espanya, nga nagresulta nga an Naghalin nahimo nga Pueblo (Bungto) han Asturias.

[igliwat] Mga Opisyales

Amo ini an mga yana nga mga napili nga mga opisyales han Bungto han Asturias para han katuigan nga Hunyo 30, 2004- Hunyo 30, 2007):

Mayor: Leticia A. Orozco Vice Mayor: Alexander M. Agravante Councilors:

• Raul Sasing
• Joel Dumdum
• Gale Toong-Ramos
• Orlando Magbanua
• Emmanuel Pintor
• Celso Canada
• Paulino Salve
• Romeo Hermas Pelipas
• Celestino Purisima (ex-officio nga Api han Konseho kay amo an Presidente han Association of Barangay Captains (ABC) o Katiguban han mga Baranggay Kapitan)
• Lyra Reign Sasing (ex-officio nga Api han Konseho, kay amo an Presidente han Federasyon han Sangguniang Kabataan)

[igliwat] Mga Sumpay ha Gawas

• Philippine Standard Geographic Code
• 2000 Philippine Census Information