Kuurne

From Wikipedia

Gemêente Kuurne
Kuurne
Liggienge binnen het arrondissement Kortrik in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Kortrik
Liggienge	50°51' NB 03°17' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	10,01 km²
Inweuners (Bron: NIS)
Inweuners – Vint'n – Vrown – Bevolkiengsdichtheid	12.591 (01/01/2006) 49,52% 50,48% 1258 inw./km²
Leeftiedsipbow 0–17 joar 18–64 joar 65 joar en oeder	(01/01/2004) 20,46% 62,20% 17,34%
Buut'nlanders	1,87% (01/07/2005)
Weirklôoseidsgroad	6,75% (01/01/2006)
Polletiek
Burgemêester	Carl Vereecke (KARTEL)
Coaliesje	KARTEL, sp.a
Zetels KARTEL CD&V VISIE sp.a Groen!	23 10 5 4 3 1
Dêelgemêent'n me postcode
Postcode	Dêelgemêente
8520	Kuurne
And're info
Zonenummer	056
Poliesjezone	{{{polz}}}
Webadres	www.kuurne.be

Dit artikel es geschreevn in 't Kortriks, en da zoe zôo moet'n bluuvn.

Kuurne es een klêene gemêente met een 12000 inweuners, geleegn tussen Kortrik, Oarelbeke en Lendlee. Tei nie vele geskild of ze woaren een dêelgemêente van Kortrik bie de fusie van 1977, moar omda ze nogal ip udder onafhankelikheid stoan zin ze toch apart gebleevn.

[bewerk'n] Geschiedenisse

[bewerk'n] Noame

Jist en veurol de noame van de gemêente. Hjil vroeger, rond un joar of 1123, was de noame 'villa de Curnes', mo das stif veranderd: 1156: 'Cuerna', 1197: 'Curna', 1262: 'Querne', 1347: 'Kuerne', 1518: 'Kjeurne', 1664: 'Cuerne'. Da latste èn ze vrji lange azwo houdn. Zènt nog gebrukt in 1930. Daarachter wast 'Kuurne' ent nè nog olsan azwo.
Moa wuk wilta zehhen? Cuerne (Kweerne) wil zehhen 'Handmolen'. Moa vant oer-keltisch afheleid: Ku-ere-hanna (Kuerna) willet zehhen 'veilig omheinde woonplaats'. Tzin der wok nog die zehhen dat 'n ni-hehermanisjirde Keltische woaternoame ès.

[bewerk'n] Ezels?

De roepnoame van de kuurneneiren ès 'ezel', da komt omdat jir de boern va Kuurne noa 't stad Kortrik hingn met udder ezels vulgelad mè marchandise. Aloewel dat et een skeldwoord ès, zin ze der toch preus ip. Volhens een andere lehende kost de koster de latinse woordn "Memento, homo, quia pulvis es, et in pulverem reverteris" niet ontoden, woarip dat de paster zei "Ge zit als ezel geboorn, ge goat lik nen ezel stervn". Ip aswoensdag moest de koster de paster vervangn en hebrukte ie die utdrukkinge.

[bewerk'n] Onafgankluk

Ipt ende van 1974 kwam burgemiestre Lambrecht van Kortrik de gemiente bezoeken om een fusie met Kortrik voar te breiden. Nie da ze zoa in die koppige ezels geïnteresseerd woaren, moar ze woaren straf begoest ip 't Ringshopping centre en de industriezone met o.a. Barco in 't nwoard-Westen.
Vele harde kuurneirs woaren radicoal tegen de fusie en organiseerden onder leidinge van miester André Lietaert de einigste betoaging in de geschiedenis van Kuurne (voar zoverre gewetn). De betoaging liep 'n bikke eut den hand want der stonden massa's volk te dansen ip den sjieken oto van Lambrecht die omzeggens hielehans om ziepe wa.
Euteindelik eit de fusie toon nie deuregegoan moar einze de grenze met Kortrik verleid ip de ring zoadat 't Ringshopping en wa chique verkoaveliengen toch noa Kortrik gingen.

[bewerk'n] Bezienswoardigheedn

Kuurne è vôorol hekend:

van zin joarlikse velokoerse Kuurne-Brussel-Kuurne, in de êeste weke van moarte.
ei wok een peirderenboane, en is doarmee jin van de drie peirdernboanen van West-Vloandern, neffens Woaregem en Ostende.
de Ezelsfeesten. Da goa deure 'tjêeste weeken' van oktobere en gjèl de gemjènte lwopt doar ton rond up die fjêeste.
zin bier. Ge moe niet verre zoek'n Ezelsbier (hebrouwn deur Bavik). Er zien doar twjiè varianten van; De bruine ezel en de witte ezel.
Kuurne eit een antal hebouwn die de moeite weird zin:

de parochiekerke van Sint-Pieters

een moderne niet-typische keirke in de vorm van een omhekièrd skip. Zès gebowd in 1971.

De Stokeriemeuln

nen stoakmeuln langs de Brugskeboane. Ie droait nog wel, moar ie kan nie miè hebrukt weirden voo te moaln. Verust van Kortrik noa Kuurne in 1796 deur den eihenoare Louis Carpentier, moa nu est ie eihendom van de hemêente.

Hoeve Vandewalle

d'oudste hoeve van hêel Kuurne, gebowd in 1405 en 14 ha grôot.

Kleurdag, jirdere Artiestenfoor. Nêeste ki datie deurehing was in 1969 en ton mocht'n skilders, bjildouwers, bronshieters, hlasbloazers en keramiekers udder ding doene. Ze meugen da nu nog jinne ki per twji joar doene, nêeste zundag van juni.

Kuurne es in de widde omstreke hekend als uthoanshemêente. Een belangrike reden doarvoorn zin de zoaln van Vanwontergem, zowel langs de Brugskeboane als in't centrum. Doarnoast zin der een aantal hekende cafés, vôorol voo de jonge hasten, lik 't Meulentje en den Tap.