Lichtervelde
From Wikipedia
![]() |
|
---|---|
Lichtervelde | |
![]() Liggienge binnen het arrondissement Roeseloare in de provinsje West-Vloandern |
|
Woapen | Vlagge |
![]() |
![]() |
Geografie | |
Gewest | ![]() |
Provincie | ![]() |
Arrondissement | Roeseloare |
Liggienge | 51°01' NB 03°08' OL |
Liggienge | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
Ippervlak | 25,93 km² |
Inweuners (Bron: NIS) | |
Inweuners – Vint'n – Vrown – Bevolkiengsdichtheid |
8.400 (01/01/2006) 50,11% 49,89% 324 inw./km² |
Leeftiedsipbow 0–17 joar 18–64 joar 65 joar en oeder |
(01/01/2004) 21,78% 61,10% 17,12% |
Buut'nlanders | 0,69% (01/07/2005) |
Weirklôoseidsgroad | 4,12% (01/01/2006) |
Polletiek | |
Burgemêester | Ria Beeusaert-Pattyn |
Coaliesje | CD&V |
Zetels CD&V Gemêentebelangn SOMM |
19 12 5 2 |
Dêelgemêent'n me postcode | |
Postcode | Dêelgemêente |
8810 | Lichtervelde |
And're info | |
Zonenummer | 051 |
Poliesjezone | {{{polz}}} |
Webadres | www.lichtervelde.be |
Lichtervelde is e Belgische gemêente in West-Vloandern.
Inoud |
[bewerk'n] Liggienge
Boovn Lichtervelde ligt Toeroet (N en N-W) en Ruddrevoarde (N-O) en oaloendre ligt Gits (Ôoglee) (Z-W) en Roeseloare (Z). In 't ôost'n eej nog van boovn noa beneen: Zwevezele, Kôolskamp en Ardôoie.
Int nôordn van de prochje ajt 'Vrijgeweed', e heidegebied en stik van 't 'Bulskampveld' en da nu nog 'Veld' noemt. De noame 'Turfhauwe' verwist nog noar 't vroegere steken van turf. In 't zuudn laagn (en lign nu were) de vrêe schône 'Huwynsbosen'. De moeite weird voe der ne kêe te goan wandeln of mountenbiken.
[bewerk'n] Geschiedenisse
De noame Lichtervelde stoat êest van ol in 1127 in e beschrievinge deur 'Galbertus' van Brugge ovre de môord ip Koarle de Goein. Wuk dat de noame zelve wilt zeggn zien ze nie zekerst: 'Lifterfelde' (lift = lienks = nie rechts) ofwel 'Lichte Veldn' = licht (blêek) va kleur. 't Zoud ollesins nie te moakn ein mè luchtje ipt veld als offre voe de god Tor (woavan dater ne temple zoe gestoan ein in Toeroet). Oajt gie wèt of oajt peist te weetn: skrivet ier moar in.
Lichtervelde was een heerlukhied en oengt af van 't Brugse Vrye'. Die eern an e kastjeel nateurlik: êest ip de 'burg' neffest de kerke, en loatre ip 't 'Hoge' woa da nu nog de Kasteelstraete ligt. (in 1584 tôope mè de kerke vernield in de perjode van de contrareformoasje, en nie mêe were gezet).
Deur Sanderus beschreven in zin "Flandria Illustrata" van 1641 (moa ton in 't Latin): "toed en vermoard dorp Lichtervelde, proenkte voormaels met een uitmuntend paleis en kasteel der Heren 't welke de woede des oorlogs, geliek veel andre in Vloandern omverregesmeet'n eeft".
In 1794 zeien de Fransche gebeurs goejndag en kwam Lichtervelde en hêel Vloandern bie de Fransche Repebliek.
In 1815 werd Lichtervelde en Belgje e dêel van ut Keuninkriek 'der Nederlanden', Olland dus.
In 1847 (sedert 1830 wast oal Belgje indeplekke van d'Ollanders) werd de beruchten spôorweg (gekend toet ip den dag van vandoage voe zien traveir) angeleid. D'afbeeldiengn van peirn ip de stoasje zelve (en overgenoomn in den tunnel) verwiezn nog noa de peirdemarkt die toan noam en foam ad. In 1878 een ze d'oude Romaanse keirke afgebrookn en nen Neo-gotiek in de plekke gezet; dedie is ton deur den Duuts in '14 - '18 gedynamiteerd, en drachtre weer ipgebowd (moa nie mêe zôo ôoge).
[bewerk'n] Beschermde monument'n
- De Romaanse dôopvonte ut de 11-12e êewe
- Site Vancoillie in de Statiestraete (beskermd sedert 1997): kombinaasje van oliesloagerie, moalderie en oetzoagerie
[bewerk'n] Interessante meinsjen in Lichtervelde
- Felix en Eugéne Callewaert: van d'akkordejongs (under uus is nu chocolaterie 'Huyghe').
- Paster Edmond Denys (1865-1923): oalmoezenier van de asteman'n in Vrankrik met zien boeksje 'De Stem uit het Vaderland'.
- Burgemêestr Michiel Surmont (1786-1872): deur em zit'n we nu met den traveir en de stoasje, en was Lichtervelde intiede nog belangrikre dan dat nu nog olsan is.
- Albert Termote (1887-1978): beroemd beeldower
- Karel Van De Poele (1846-1892): utvinder van den elektriekn tram ('trolley').
- Hertog Jacob Van Lichtervelde (?-1431), belangriek politiek raadsheer van drie Boergondische ertogen.
- Henri Van Lerberghe (29.01.1891-10.04.1966): meestol Ritten en de Dôodrîder genoemd, dat latste omdattie ossan zeie dattie gienk rien toet datze derbie zoen dôodvoln. In 1919 et'n de Ronde van Vloandern ewon me 14 menuut'n voorn upn twîn, achter dattie messe villo upse schoers deur e tring die stille stoeg tuschn Ninove en Ekelgem, gekroopn at. Toen attie ip de villodroom van Gentbrugge kwam, smeetie zen bloemn in 't pebliek en rieptie: Goa nu mor ollemoale nor uus, 'k benne toch ne oalvn dag voorn!.
|
![]() |
---|---|
Anzegem | Ardôoie | Beirnem | Blank'nberge | Brêenienge | Brugge | Damme | D'n Oane | De Panne | Dèrlik | Dentergem | Diksmude | Gistel | Euvelland | Ôoglee | Oetulst | Ichtegem | Ieper | Iengelmunstr | Izzegem | Jabbeke | Knokke-Heist | Kookloare | Koksiede | Kortemark | Kortrik | Kuurne | Langemark-Poelkapelle | Leegem | Leffienge | Lendlee | Lichtervelde | Lo-Rêenienge | Mêenn | Mêesn | Mullebeke | Middelkerke | Môorslee | Nieuwpôort | Oalveringem | Oarelbeke | Oavelgem | Oed'nburg | Ôostkamp | Ôostrôzebeke | Ostende | Pittem | Poperienge | Roeseloare | Ruuslee | Spiere-Elking | Stoan | Tielt | Toeroet | Veurne | Vletern | Woaregem | Wervik | Wevelgem | Wielsbeke | Wiengne | Zillegem | Zunnebeke | Zuujnkerke | Zwevegem |
|
Belgie | Provinsjes |