கீழ் மாகாணம், இலங்கை
கட்டற்ற கலைக்களஞ்சியமான விக்கிபீடியாவில் இருந்து.
இலங்கையின் கீழ் மாகாணம் திருகோணமலை, மட்டக்களப்பு, அம்பாறை ஆகிய மூன்று மாவட்டங்களை உள்ளடக்கியுள்ளது. இது இலங்கைத்தீவின் கிழக்குக் கரையோரத்தில் அமைந்துள்ளது. வடக்கே, வட மாகாண எல்லையிலிருந்து, தெற்கே, தென் மாகாண எல்லைவரையுள்ள நீண்ட கரையோரம் இம் மாகாணத்தின் கீழ் வருகின்றது.
இலங்கை பிரித்தானியரிடமிருந்து அரசியல் விடுதலை பெற்ற பின்னர் உருவான இன அரசியலில் கிழக்குமாகாணம் முக்கியமான ஒன்றாக இருந்து வருகின்றது. விடுதலைக்குப் பின் ஆட்சிக்கு வந்த அரசாங்கங்களினால் நடைமுறைப் படுத்தப்பட்ட அரசுசார்புக் குடியேற்றத்திட்டங்கள், தமிழ்ப் பெரும்பான்மை மாகாணமாக இருந்துவந்த கீழ் மாகாணத்தின் இனப்பரம்பலில் பெரும்பான்மைச் சிங்களவர்களுக்குச் சார்பான நிலையைக் கொண்டுவர முயற்சிப்பதாகக் கூறித் தமிழ் மக்களிடையே அதிருப்தியைத் தோற்றுவித்தது. 1987ல் ஏற்படுத்தப்பட்ட இலங்கை இந்திய ஒப்பந்தம் தமிழர்களைச் சமாளிக்கும் ஒரு முயற்சியாகக் கீழ் மாகாணத்தை, வட மாகாணத்துடன் தற்காலிகமாக இணைத்து ஒரே மாகாண சபை நிவாகத்தின் கீழ் கொண்டுவந்தது. அத்துடன் இணைந்த மாகாணங்களின் நிர்வாக மையமும், கீழ் மாகாணத்திலுள்ள திருகோணமலையிலேயே அமைக்கப்பட்டது. இந்த ஒப்பந்தம் வெற்றி பெறாவிட்டாலும் கூடத் தற்காலிக இணைப்பு இன்றும் தொடர்ந்தே வருகின்றது. எனினும் இலங்கை இனப் பிரச்சினைக்கான சமாதானத் தீர்வு முயற்சிகளில் கீழ் மாகாணம் ஒரு முட்டுக்கட்டையாகவே இருந்துவருகின்றது.
இந்த மாகாணம் தொடர்பில் தமிழர், சிங்களவர்களுக்கிடையிலான முரண்பாடுகள் ஒருபுறமிருக்க, நாட்டில் முஸ்லிம்கள் செறிந்து வாழும் பிரதான பகுதியாகவும் கீழ் மாகாணமே விளங்குவதாலும், மாகாணத்தின் சனத்தொகையில் அண்ணளவாக 30% முஸ்லிம்களாக இருப்பதாலும் தீர்வு விடயத்தில் சிக்கல்கள் அதிகமாக உள்ளது.
| சனத்தொகை | எண்ணிக்கை | நூ.வீதம் |
|---|---|---|
| மொத்தம் | 1,415,949 | 100% |
| சிங்களவர் | -பொருந்தாது- | xx% |
| இலங்கைத் தமிழர் | -பொருந்தாது- | xx% |
| இந்தியத் தமிழர் | -பொருந்தாது- | xx% |
| முஸ்லீம்கள் | -பொருந்தாது- | xx% |
| பிறர் | -பொருந்தாது- | xx% |
| பரப்பளவு | ||
| மொத்தம் | 9,996 ச.கிமீ | |
| நிலப்பரப்பு | 9,361 ச.கிமீ | |
| நீர்நிலைகள் | 635 ச.கிமீ | |
| மாகாணசபை | ||
| முதலமைச்சர் | xxxx | |
| உறுப்பினர் எண்ணிக்கை | xxxx | |
| நகராக்கம் | ||
| நகர் | -பொருந்தாது- | xx% |
| கிராமம் | -பொருந்தாது- | xx% |
[தொகு] பின்வருவனவற்றையும் பார்க்கவும்
| இலங்கையின் மாகாணங்கள் |  |
|---|---|
| மேற்கு | மத்திய | தெற்கு | வடக்கு | கிழக்கு | வடமேல் | வடமத்திய | ஊவா | சபரகமுவா | |
