Histogram

Ti Wikipédia, énsiklopédi bébas

Dina statistik, histogram nyaeta tampilan grafis tina tabulasi frekuensi. Dina hal ieu, histogram nyaeta versi grafis tina tabel nu nembongkeun babandingan kasus kana sababaraha atawa lobana kategori husus. Kategori ieu ilahar mangrupa hal nu husus saperti taya interval nu tumpang tindih dina sababaraha variabel.

Aya dua cara keur nembongkeun tabel nu sarua, sarta dua rupa histogram saperti ditembongkeun di handap ieu. Hiji nemobongkeun jumlah kasus per satuan interval, mangka legana wewengkon di handapeun kurva sarua jeung jumlah sakabeh kasus. Nu sejenna nembongkeun jumlah kasus per satuan interval dibagi ku total jumlah kasus, mangka legana wewengkon di handapeun kurva sarua jeung 1.

Dina conto ieu, data nu dipake dikumpulkeun ku Biro Sensus Amerika, nyaeta data waktu nu diperlukeun keur indit gawe (sensus 2000, [1], Table 5). Sensus nyatet yen aya 124 juta urang digawe di luar imahna. Nu di sensus nyebutkeun sabaraha lila waktu nu diperlukeun nepi ka tempat gawe, hasilna dibagi kana lima bagean nyaeta: kurang ti 5 menit, leuwih ti 5 menit kurang ti sapuluh menit, leuwih ti sapuluh menit kurang ti 15 menit jeung saterusna. Tabel di handap nembongkeun hasil sensus dina rebuan, upamana 4.180 hartina 4.180.000.

Interval	Lebar	Lobana dina interval	(Lobana dina interval)/lebar
0	5	4,180	836
5	5	13,687	2,737
10	5	18,618	3,723
15	5	19,634	3,926
20	5	17,981	3,596
25	5	7,190	1,438
30	5	16,369	3,273
35	5	3,212	642
40	5	4,122	824
45	15	9,200	613
60	30	6,461	215
90	60	3,435	57

Data nu aya dina tabel di luhur digambarkeun sacara grafik dina gambar di handap ieu. Area unggal "bar" sarua jeung sakabeh nu di sensus dina eta kategori, mangka sakabeh legana "bar" sarua jeung jumlah nu disurvey (124) juta.

Aya nu matak kataji dina eta diagram nyaeta naekna sacara ngadadak dina kategori 30 nepi ka 35 menit. Bentukna saperti artefak: satengah jam ngarupakeun waktu ukuran ilahar, mangka nu disensus ngarepkeun waktu indit gawena kurang ti atawa leuwih leutik ti 30 menit, bisa oge mere jawaban ampir "30 menit".

Histogram waktu indit gawe, sensus 2000 Amerika. Legana sahandapeun kurva sarua jeung lobana kasus.

Ayeuna data nu sarua digambarkeun ku cara nu beda. Area unggal bar sarua jeung babandingan nu disurvey tina nu sakabeh disurvey aya dina kategori ieu. Mangka total legana "bar" sarua jeung 1.

Interval	Width	No. in interval	(No. in interval)/(total no.)/width
0	5	4,180	0.0067
5	5	13,687	0.0220
10	5	18,618	0.0300
15	5	19,634	0.0316
20	5	17,981	0.0289
25	5	7,190	0.0115
30	5	16,369	0.0263
35	5	3,212	0.0051
40	5	4,122	0.0066
45	15	9,200	0.0049
60	30	6,461	0.0017
90	60	3,435	0.0004

Tabel di luhur digambarkeun sacara grafis dina gambar di handap. Gambar kadua beda jeung gambar mimiti ngan dina skala nangtung. Gambar ieu bisa dipake gumantung kana kaperluan histogram; lamun jumlah absolut penting, mangka bentuk mimiti leuwih hade dipake, sarta bentuk kadua leuwih hade dipake lamun babandingan leuwih penting.