Ramush Haradinaj
Nga Wikipedia, Enciklopedia e Lirë
Ramush Haradinaj lindi më 3 korrik 1968 në Gllogjan, afër Deçanit. Është një politikan dhe ish-udhëheqës i Ushtrisë Çlirimtare të Kosovës (UÇK). Prej datës 3 dhjetor 2004 deri më 8 mars 2005 ishte Kryeministër i Kosovës.
Haradinaj është rritur në Gllogjan në një familje bujare shqiptare ku edhe u frymëzua për dashurinë ndaj atdheut, diçka që më vonë e dëshmoi me luftën heroike që e bëri në Dukagjinin legjendar kundër pushtuesit serb.
Ramush Haradinaj ishte komandant në Zonën Operative të Dukagjinit të UÇK-së. Pas luftës me transformimin e Ushtrisë Çlirimtare të Kosovës në Trupat Mbrojtëse të Kosovës (TMK) ai emërohet zëvendëskomandant i TMK-së, mirëpo pas një kohe ai u largua nga jeta ushtarake dhe themeloi partinë Aleanca për Ardhmërinë e Kosovës (AAK), kryetar i së cilës është edhe sot.
Më 3 dhjetor 2004 në parlamentin e Kosovës u zgjodh kryeministër me shumicë votash. Më 8 mars të vitit 2005, Tribunali për Krime të Luftës në ish-Jugosllavi publikoi aktakuzën për krime lufte ndaj Ramush Haradinajt dhe si rrjedhojë po atë ditë Haradinaj dha dorëheqja nga pozita e Kryeministrit të Kosovës në mënyrë që të përballet me aktakuzën e ngrituar ndaj tij. Ai të nesërmen shkoi vullnetarisht në Tribunalin e Hagës, ku me të mbërritur u burgos. Pas disa muajve në paraburgim ai u lirua përkohësisht deri në fillom të gjykimit të tij në Tribunal.
Është i martuar me prezantuesen e lajmeve, Anita Haradinaj, me të cilën ka një djalë dhe një vajzë. Haradinaj ka jetuar për disa vite jashtë Kosovës, kryesisht në Zvicër, ku edhe ka mësuar gjuhën frënge dhe angleze. Banon në lagjen Arbëria në Prishtinë.
[redaktoni] Vegza
- Ramush Haradinaj Faqja zyrtare
- OurPrime.org Fushatë pro-Haradinaj
 |
Kryeministrat e Kosovës |
|
Bajram Rexhepi | Ramush Haradinaj | Bajram Kosumi | Agim Çeku |
