Lingua yiddish
From Wikipedia
Lu yiddish (ייִדיש) è la lingua parrata di l'abbrei di l'Europa urintali.
Havi li sô urìggini ntô tudiscu mediuevali e è pirtantu na lingua girmànica, cu forti nfruenzi di l'abbràicu e dî lingui c’uspitaru l’ abbrei ashkenaziti (pulaccu, russu, ecc.), ma veni scrivuta usannu l'alfabbetu abbràicu.
Fu prupunutu ca l’urìggini dû substratu girmànicu dû yiddish è di fattu lu Gòticu, ca dû IV ô XVII sèculu d.c. supravivìu ‘n Ucraina (Gòticu di Crimea). L'elimentu abbràicu avissi ntrasutu ntô yiddish a lu tempu dâ cummirsioni di li Kazari duminatura di dd’ària giogràfica nzinu a lu XIII sèculu d.c., a l'abbraismu, abbinuta versu lu V-VI sèculu d.c..
Prisenta dui principali varianti dialittali:
- Yiddish uccidintali
- Yiddish urintali
Lu cchiù notu auturi ‘n lingua yiddish è lu premiu Nobel pâ littiratura Isaac Bashevis Singer, ca scrivìu ntô dialettu yiddish urintali.
