Biologisk mangfald
Frå Wikipedia – det frie oppslagsverket
Biologisk mangfald eller biodiversitet er variasjon mellom og innan alle biologiske artar i alle grupper av organismar, og miljøet, økosystemene og dei økologiske prosessane som desse artane og organismane er ein del av.
Mangfaldet kan målast på fleire nivå. Genetisk mangfold viser til den genetiske variasjonen innan ein art; anten mellom populasjonar eller innanfor same populasjon.
Artsmangfold viser til variasjonen av artar som finst i eit område. Eit vanleg brukt mål er talet på artar. Eit meir presist mål er «taksonomisk mangfald», der ein i tillegg ser på breidden av artar. Til dømes vil ei øy med to fugleartar og éin pattedyrart ha større mangfald enn ei øy med tre fugleartar og ingen pattedyr.
Mangfald av habitat og økosystem er sjølve grunnlaget for det biologiske mangfaldet, både på gen- og artsnivå. Dette mangfaldet er vanskeleg å måla fordi grensene mellom dei ulike områda er flytande.
