മാധ്യമം ദിനപത്രം
വിക്കിപീഡിയ, ഒരു സ്വതന്ത്ര വിജ്ഞാനകോശം.
മൂല്യാധിഷ്ടിത പത്രപ്രവര്‍ത്തനം എന്ന മുദ്രാവാക്യവുമായി 1987 ജൂണ്‍ ഒന്നിന്‌ പ്രകാശനം ചെയ്ത ദിനപ്പത്രമാണ്‌ മാധ്യമം ദിനപ്പത്രം. കോഴിക്കോട്‌ വെള്ളിമാട്‌ കുന്നില്‍ വെച്ച്‌ പ്രശസ്ത പത്രപ്രവര്‍ത്തകന്‍ കുല്‍ദീപ്‌ നയ്യാര്‍ ആണ്‌ ഇത്‌ ഉല്‍ഘാടനം ചെയ്തത്‌. സ്വദേശത്ത്‌ എട്ട്‌ എഡിഷനുകളും വിദേശത്ത്‌ നാല്‌ എഡിഷനുകളും കൂടാതെ മാധ്യമം ഓണ്‍ലൈന്‍ എന്ന ഇന്റര്‍നെറ്റ്‌ പതിപ്പും മാധ്യമത്തിനുണ്ട്‌. പത്രാധിപര്‍ : ഒ.അബ്ദുറഹ്മാന്‍.
[തിരുത്തുക] പംക്തികള്‍
വാരാദ്യ മാധ്യമം, വിദ്യഭ്യാസ മാധ്യമം, തൊഴില്‍ മാധ്യമം, ബിസിനസ്‌ മാധ്യമം, ഇന്‍ഫൊ മാധ്യമം, ഉപഭോക്തൃ മാധ്യമം, കുടുംബ മാധ്യമം എന്നിങ്ങനെ വൈവിധ്യമാര്‍ന്ന് നിരവധി പംക്തികള്‍ മാധ്യമം കൈകാര്യം ചെയ്യുന്നു.
[തിരുത്തുക] പ്രത്യേകതകള്‍
സിനിമാ പരസ്യങ്ങളും, ലോട്ടറി പരസ്യങ്ങളും ഇല്ലാത്ത ദിനപ്പത്രം കൂടിയാണ്‌ മാധ്യമം.
[തിരുത്തുക] മാധ്യമം ഹെല്‍ത്ത്‌ കെയര്‍
മാധ്യമം ദിനപ്പത്രം നടത്തുന്ന ഒരു സേവന സംരംഭമാണ്‌ മാധ്യമം ഹെല്‍ത്ത്‌ കെയര്‍. നിര്‍ധനരും നിരാലംബരുമായ ഒട്ടനവധി രോഗികള്‍ക്ക്‌ ഈ സംരഭത്തിലൂടെ ചികിത്സാ സഹായം ലഭ്യമാണ്‌.
-
ഈ താള്‍ പൂര്‍ണ്ണമല്ല, ഇതു പൂര്‍ണ്ണമാക്കുവാന്‍ വിക്കിപീഡിയ സംരംഭത്തില്‍ പങ്കാളിയാവുക (ശ്രദ്ധിക്കുക: നവാഗതര്‍ക്ക് സ്വാഗതം, സഹായക താളുകള്‍)
| മലയാള ദിനപത്രങ്ങള്‍ |  |
|---|---|
| മലയാള മനോരമ | മാതൃഭൂമി | മാധ്യമം | കേരള കൌമുദി | ദീപിക | ദേശാഭിമാനി | ചന്ദ്രിക | വര്‍ത്തമാനം | മംഗളം |ജന്മഭൂമി | |
