Ристо Шишков
Од Википедија, слободна енциклопедија
”Ристо Шишков (23.03.1940 - 17.06.1986) е роден во село Мрсна, Демирхисарско, Егејска Македонија. Татко му Васил и најстариот вујко биле мразени од грците и лежеле 4 години затвор на Крит. Во 1942 година Ристо ја доживува трагичката судбина на децата бегалци. Преку Бугарија во 1945 година неговото семејство доаѓа во Струмица, каде тој се школува.
Завршува Академија за театар во Белград. Во 1962 година дипломира на Театарската академија во Белград, на отсекот за глума. По двегодишната работа во Југословенско драмско позориште во Белград Шишков доаѓа во Скопје и од први октомври 1964 година станува член на Драмата на Македонскиот народен театар. Играл во 54 театарски претстави, снимил 11 филма (во дванаесеттиот, "Води", неговата ролја е преснимена), пет телевизиски драми и три телевизиски серии, повеќе радиограми. Добитник на една театарска награда на МТФ "Војдан Чернодрински" во Прилеп (1977 година) за улогата во претставата "Крчма под зеленото дрво". 1979 е обвинет во навреда на српски и хрватски артисти, исто како и на Тито, во 1980 е осуден и заминува во затвор. По боледување умира на 17 јуни 1986 година во Скопје.
[уреди] Награди:
- 1967 ФФАО, Ниш, специјална награда / „Планината на гневот“
- 1976 ФФАО, Ниш, повелба за машка улога / „Најдолгиот пат“
[уреди] Филмографија:
- 1966 :До победата и по неа (Главна улога)
- 1967 :Каде по дождот (Споредна улога)
- 1967 :Македонска крвава свадба (Главна улога)
- 1968 :Планината на гневот (Главна улога)
- 1969 :Републиката во пламен (Главна улога)
- 1971 :Црно семе (Главна улога)
- 1972 :Истрел (Главна улога)
- 1975 :Јад (Споредна улога)
- 1976 :Најдолгиот пат (Главна улога)
- 1981 :Црвениот коњ (Главна улога)
- 1984 :Нели ти реков (Главна улога)
Зачувана е само една песна од Ристо Шишков:
”Земи ги.......очиве
моиве две остри сабји
нанижи си ги како два
златни синџири
околу твоите бели гради.
Земи ја........устава
од неа вода да пиеш
јас ќе си одам в планина
и ќе ти бидам комита.
Јас сум ти твојот комита
Ристо Беломорски,
од Грамос и Вичо планина
роден во време опасно,
време комунистичко.
Комунистиве глава кренаа
и мене в зандана турија
за моја жална
Македонија.
Комунистиве ми даваат
рубата комитска
да се претворам во
Турунџе
да се претворам во Гули
војвода
за да си ладам душава
душава моја изгорена.
Не сум ти јас Турунџе
ниту сум Гули војвода
јас сум си самиот комита-
Ристо Беломорски
Дај ми го..........шмајзерот
јас да си одам в планина
там да си најдам дружина
дружина одбор комити.
На Грамос
ќе најдам Делчета
на Пирин ќе најдам
Сандански на Бигла ќе најдам Јордан
Пиперка.
Дружба да дружам
со комити
дружба да дружам,
бој да си бијам
бој да си бијам со три
ламји со три аждаи
со варварите, татарите и
србоманите
што ми грабнаа убава
девојка,
ја грабнаа и оковаа со три
синџири.
Роб робува убава девојка
роб робува седумдесет
години.
Дај ми ја..........сабјата
сабјата дипленица
да си искинам синџири
седумдесетгодишни
да си ослободам девојка
робинка
девојка робинка - лична
Македонија.
Земи ги........очиве
моиве две остри сабји
нанижи си ги како два
остри синџири
околу твоите бели гради.
Земи ја........устава
од неа вода да пиеш
јас ќе си одам в планина
и ќе ти бидам комита.
Јас сум ти твојот комита
Ристо Беломорски
од Грамос и Вичо
планина. ”
[уреди] Надворешни врски
[4] на англиски јазик.
