Eurobilljetën

Vu Wikipedia, der fräier Enzyklopedie.

Den Euro, d'gemeinsam Währung vun 12 Memberstaate vun der Europäescher Unioun, zirkuléiert a Form vu 7 verschiddene Billjetën (do dernieft ginn et 8 verschidde Mënzen). Des gofen den 1. Januar 2002 an Ëmlaf bruecht.

Am Oktober 2006 ware bal 11 Milliarde Schäiner, mat engem Wäert vu bal 590 Milliarden, am Ëmlaf.

Inhaltsverzeechnes

1 Ausgesinn
2 Wou gouf de Schäin gedréckt, a ween huet en erausginn?
3 Biller vun de Billjetën
4 Links
5 intern
6 extern

[Änneren] Ausgesinn

Et ginn 7 verschidde Coupurën, déi all eng aner Faarf hunn. D'Motiver doropper representéieren d'Geschicht vun den europäeschen Architektur-stiler. Op der viischter Säit, dem Recto, si Fënsteren a Paarten ze gesinn, op der Récksäit, dem Verso, Brécken. Des solle Verbonnenheet an Oppenheet symboliséieren. Entworf huet se den Éisträicher Robert Kalina.

Op allen 8 Billjetën sinn den europäesche Fändel, d'Initiale vun der Europäescher Zentralbank a 5 Varianten (BCE, ECB, EZB, EKT, EKP), d'Ënnerschrëft vum President vun der Zentralbank, den Numm Euro a laténgescher a griichescher Schrëft, an eng Kaart vun Europa op der Récksäit.

**Beschreiwung vun Eurobilljetën**
Numm	Dimensiounen	Haaptfaarf	Architektur	Epoch	Positioun vum Plakke-Code
5 Euro \| €5	120 x 62 mm	Gro	Klassik	< 5. Joerhonnert	lénks um Bord
10 Euro \| €10	127 x 67 mm	Rout	Romanik	11.-12. Joerhonnert	8 Auer Stär
20 Euro \| €20	133 x 72 mm	Blo	Gotik	13.-14. Joerhonnert	9 Auer Stär
50 Euro \| €50	140 x 77 mm	Orange	Renaissance	15.-16. Joerhonnert	riets um Bord
100 Euro \| €100	147 x 82 mm	Gring	Barock & Rokoko	17.-18. Joerhonnert	riets vum 9 Auer Stär
200 Euro \| €200	153 x 82 mm	Giel-Brong	Eisen & Glas	19.-20. Joerhonnert	iwwert dem 7 Auer Stär
500 Euro \| €500	160 x 82 mm	Mof	Modern	20.-21. Joerhonnert	9 Auer Stär

[Änneren] Wou gouf de Schäin gedréckt, a ween huet en erausginn?

Aanescht ewéi d'Euromënzen hun d'Eurobilljetë keng national Säit, déi giff weisen, vu wou de Billjet hirkënnt. Dofir kann een um Buchstaw virun der Seriennummer gesinn, wat fir eng National Zentralbank de Schäin erausginn huet.

**Code vun der nationaler Zentralbank**
Code	Land
Z	Belsch
Y	Griicheland
X	Däitschland
(W)	( Dänemark)
V	Spuenien
U	Frankräich
T	Irland
S	Italien
R	Lëtzebuerg
(Q)	Net verginn
P	Holland
(O)
N	Éisträich
M	Portugal
L	Finnland
(K)	( Schweden)
(J)	( Groussbritannien )

D'Buchstawe W, K a J si reservéiert fir déi Länner, déi den Euro nach nët agefouert hunn.

Op der viischter Säit verstoppt ass de Code, duerch deen d'Dréckerei z'erkennen ass: de Plakke-Code. An der éischter Tabell uewe steet, wou de Code ze fannen ass. De Buchstaf steet fir d'Dréckerei (kuckt hei drënner) D'Coden A, C an S si reservéiert fir Dréckereien, déi bis ewell keng Billjetën drécken. D'Dréckerei muss net noutwennegerweis an deem Land sinn, dat de Billjet erausgëtt: Sou sinn z.B. verschidde finnesch Eurosschäiner an enger englescher Dréckerei gedréckt ginn. De Buchstaf an d'Ziffer um Wupp vum Code ginn un, wou de Schäin um Drockerbou war: A1 ass uewe lénks, J6 ass ënne riets.

**Dréckerei-Kennung**
Code	Dréckerei	Uertschaft	Staat
(A)	(Bank of England Printing Works)	(Loughton)	(Groussbritannien)
(B)	net a Gebrauch	---	---
(C)	(AB Tumba Bruk)	(Tumba)	(Schweden)
D	Setec Oy	Vantaa	Finnland
E	F. C. Oberthur	Chantepie	Frankräich
F	Österreichische Banknoten und Sicherheitsdruck GmbH	Wien	Éisträich
G	Johan Enschedé & Zn.	Haarlem	Holland
H	De la Rue	Gateshead	Groussbritannien
(I)	net a Gebrauch	---	---
J	Banca d'Italia	Roum	Italien
K	Central Bank of Ireland	Dublin	Irland
L	Banque de France	Chamalières	Frankräich
M	Fábrica Nacional de Moneda y Timbre	Madrid	Spuenien
N	Bank of Greece	Athen	Griicheland
(O)	net a Gebrauch	---	---
P	Giesecke & Devrient	München & Leipzig	Däitschland
(Q)	net a Gebrauch	---	---
R	Bundesdruckerei	Berlin	Däitschland
(S)	(Danmarks Nationalbank)	(Kopenhagen)	(Dänemark)
T	Banque Nationale de Belgique	Bréissel	Belsch
U	Valora	Carregado	Portugal