Gades
E Vicipaedia
Gādēs (-ium, f. pl.) est urbs in Hispania. Punice גדר Gādīr, Gaddīr (cf. Pl. H. N. "appellant, Poeni Gadir, ita Punica lingua saepem significante"). Graece τὰ Γάδειρα, Hispanice Cádiz, Arabe Al-Qadiz dicitur.
Traditur Gades a Phoeniceis conditas esse saeculo duodecimo a.C.n., sed usque adhuc archaeologi nihil invenerunt a tempore ante saeculo nono. Fertur nihilominus esse urbs antiquissima Europaea quae exstet. Secundum Graecos, Hercules Geryone interfecto Gades condidit, et certum est Hercules Tyrius ibi cultus esse. Saeculo VI, urbem Puni tenuerunt, saeculo III Romani.
Post imperium Romanum, Gades erant minoris momenti, usque ad Saeculum XV; anno 1495, Christophorus Columbus itinere secundo Gadibus profectus est.
Franciscus Drakus Eques classem quandam Hispanicam in portu Gaditano Aprile 1587 sustulit. Bello inter Anglos et Hispanos gesto, Robertus Blakius Thalassiarcha Gades a parte marina ab anno 1655 usque ad 1657 circumsedebat.
Saeculo XVIII, civitas Hispalem superavit quod attinet ad commercium cum Americis.
[recensere] Nexus Externi
 |
Vicimedia Communia plura in Gadibus habet. |
