Antium
E Vicipaedia
Haec pagina de urbe Italiae explicat. Si quid quaeris quod et "Antium" appellatur, vide Antium (discretiva).
Antium (Italice: Anzio) urbs est in Italia.
Antium caput Volscorum fuit, antequam a Romanis anno 468 a.C.n. captum est. Fabulae Graecae Xenagorae ferunt Anteiam, filium Circes Ulixisque eam condidisse, at fabulae Romanae apud Livium inventae tradunt Ascanium, filium Aeneae Laviniaeque eius auctorem fuisse. Quaedam fabulae narrant rationes inter Romam Antiumque fide dignae non apparuisse. Quidam tamen putant Livium non omnia falsa dicere cum de bellis inter Antium et Romanos gestis narrat. Antium nuncupatum est socius Romanus cum Ardea, Laurento, Circeiis in Carthaginis foedere? anno 348 a.C.n.
Coriolanus miles Romanus in exilium Antii missus est anno 491 a.C.n., copias Volscorum contra Romam duxit; quare Shakespeare plures scaenas tragoediae Coriolanus appellatae in oppido Antii posuit.
Ultima seditione aegre pacata civitas rasa et colonia facta est anno 338 a.C.n. Sex rostra navium Antii captarum ex eo tempore forum Romanum ornabant. In altero bello civili, Antium in partibus Lucii Cornelii Sullae erat ut Gaii Marii copiis vastaretur, anno 87 a.C.n.
