ქარელის რაიონი
ვიკიპედიიდან
ქარელის რაიონი არის ადმინისტრაციული რაიონი შიდა ქართლის მხარეში. რაიონის ტერიტორია 1917 წლამდე ტფილისის გუბერნიის დუშეთის მაზრაში შედიოდა, 1917-29 წლებში - დუშეთის მაზრაში, 1929-30 წლებში - ტფილისის ოლქში, ხოლო 1930-39 წლებში - გორისა და ხაშურის რაიონებში. სამხრეთ ოსეთის ავტონომიური ოლქის გაუქმების შემდეგ ქარელის რაიონს მიეკუთვნა ყოფილი ყორნისის (ზნაურის) რაიონის ტერიტორია. რაიონის ადმინისტრაციული ცენტრია ქალაქი ქარელი.
სექციების სია |
[რედაქტირება] ბუნება
მდებარეობს შიდა ქართლის ვაკეზე. ტერიტორია - 1099 კვ.კმ., მათ შორის სასოფლო-სამეურნეო სავარგულებს უკავია 540 კვ.კმ. რაიონის ტერიტორიაზე მიედინება მდინარეები მტკვარი, ძამა, დასავლეთი, შუა და აღმოსავლეთი ფრონეები. სოფელ აბანოსთან არის წყალბადგოგირდოვანი წყაროები.
[რედაქტირება] მოსახლეობა
მოსახლეობის რიცხოვნობა - 56 ათასი კაცი; სიმჭიდროვე - 50 კაცი კვ.კმ-ზე. რაიონში 84 დასახლებული პუნქტია: 1 ქალაქი, 1 დაბა და 82 სოფელი. სოფელი რუისი ერთ-ერთი უდიდესია საქართველოში, აქ 6 ათასზე მეტი მოსახლეა.
[რედაქტირება] მმართველობა
რაიონის წარმომადგენლობითი ორგანოა რაიონის საკრებულო, ხოლო აღმასრულებელი ორგანო - გამგეობა. რაიონის ადგილობრივი თვითმმართველობის ადმინისტრაციული ერთეულებია:
- ქალაქის საკრებულო - 1: ქარელი;
- დაბის საკრებულო - 1: აგარა;
- თემის საკრებულო - 14: აბისის, ავლევის, ახალსოფლის, ბებნისის, ბრეთის, ბრეძის, დვანის, დირბის, ზემო ხვედურეთის, ზღუდრის, კეხიჯვრის, მოხისის, ფცის, თიღვის.
- სოფლის საკრებულო - 1: რუისი, ურბნისი.
[რედაქტირება] ეკონომიკა
რაიონში მდებარეობს აგარის შაქრის ქარხანა, კვების მრეწველობის საწარმოები. სოფლის მეურნეობის წამყვანი დარგებია: მეხილეობა, მეჭარხლეობა, მებოსტნეობა-მებაბაღჩეობა, მევენახეობა, მეცხოველეოყა და სხვა. აქ გადის ამიერკავკასიის რკინიგზის მთავარი მაგისტრალი, საავტომობილო გზები.
[რედაქტირება] კულტურა
რაიონში 56 სახელმწიფო ზოგადსაგანმანათლებლო სკოლაა, 1 საშუალო პროფესიული სასწავლებელი, 36 ბიბლიოთეკა, 1 თეატრი და მხარეთმცოდნეობის მუზეუმი.
[რედაქტირება] ღირშესანიშნაობანი
ქარელის რაიონში მდებარეობს არქიტექტურის და კულტურის მნიშვნელოვანი ძეგლები: მძოვრეთის ციხე-დარბაზის კომპლექსი, სამწევრისის ეკლესია, ყინწვისის კომპლექსი, ისტორიული სოფლები რუისი და ურბნისი.
| შიდა ქართლის მხარე | |
| ცხინვალი | გორის რაიონი | კასპის რაიონი | ქარელის რაიონი | ხაშურის რაიონი | ჯავის რაიონი | |
