ხაშურის რაიონი
ვიკიპედიიდან
ხაშურის რაიონი არის ადმინისტრაციული რაიონი შიდა ქართლის მხარეში. რაიონის ტერიტორია 1917 წლამდე ტფილისის გუბერნიის გორის მაზრაში შედიოდა, 1917-30 წლებში - გორის მაზრაში, 1930 წლიდან ცალკე რაიონია. რაიონული ცენტრია ქალაქი ხაშური.
სექციების სია |
[რედაქტირება] ბუნება
მდებარეობს შიდა ქართლის ვაკეზე. ტერიტორია - 582 კვ.კმ., მათ შორის სასოფლო-სამეურნეო სავარგულებს უკავია 210 კვ.კმ. რაიონის ტერიტორიაზე მიედინება მდინარეები მტკვარი, სურამულა, ტილიანა, ჭერათხევი და ძამა. მნიშვნელოვანი კურორტია სურამი.
[რედაქტირება] მოსახლეობა
მოსახლეობის რიცხოვნობა - 64 ათასი კაცი; სიმჭიდროვე - 107 კაცი კვ.კმ-ზე. რაიონში 83 დასახლებული პუნქტია: 1 ქალაქი, 1 დაბა და 81 სოფელი.
[რედაქტირება] მმართველობა
რაიონის წარმომადგენლობითი ორგანოა რაიონის საკრებულო, ხოლო აღმასრულებელი ორგანო - გამგეობა. რაიონის ადგილობრივი თვითმმართველობის ადმინისტრაციული ერთეულებია:
- ქალაქის საკრებულო - 1: ხაშური;
- დაბის საკრებულო - 1: სურამი;
- თემის საკრებულო - 14: ალის, გომის, ოსიაურის, ფლევის, ქვიშხეთის, ცოცხნარის, ცხრამუხას, წაღვლის, ხალების, ხცისის.
[რედაქტირება] ეკონომიკა
სამრეწველო საწარმოები ძირითადად თავმოყრილია ქალაქ ხაშურში. სოფლის მეურნეობის მთავარი დარგებია: მემინდვრეობა, მევენახეობა, მესაქონლეობა.
[რედაქტირება] კულტურა
რაიონში 49 სახელმწიფო და 4 არასახელმწიფო ზოგადსაგანმანათლებლო სკოლაა, 3 უმაღლესი სასწავლებელი, 36 ბიბლიოთეკა, 1 თეატრი და 2 მუზეუმი (მხარეთმცოდნეობის მუზეუმი და ლ.უკრაინკას ბიბლიოთეკა-მუზეუმი).
[რედაქტირება] ღირსშესანიშნაობანი
ხაშურის რაიონის ტერიტორიაზე მდებარე ისტორიული და არქიტექტურული ძეგლებია: სურამის ციხე, ულუმბის ღვთისმშობლის ეკლესია, ბულბულის ციხე, წაღვლის და წრომის ნასოფლარები და სხვა.
შიდა ქართლის მხარე | |
ცხინვალი | გორის რაიონი | კასპის რაიონი | ქარელის რაიონი | ხაშურის რაიონი | ჯავის რაიონი |