ბერძენიშვილი, დავით

ვიკიპედიიდან

დავით ბერძენიშვილი (4 აგვისტო, 1960; ბათუმი) — ქართველი პოლიტიკოსი, საქართველოს რესპუბლიკური პარტიის ერთ-ერთი დამფუძნებელი, საქართველოს პარლამენტის წევრი, ფრაქცია "დემოკრატიული ფრონტის" თავმჯდომარე, რეგიონული პოლიტიკის, თვითმმართველობისა და მაღალმთიანი რეგიონების კომიტეტის წევრი.

დაამთავრა თბილისის ივ. ჯავახიშვილის სახელობის სახელმწიფო უნივერსიტეტი, მიენიჭა ისტორიკოსის კვალიფიკაცია. იყო პოლიტპატიმარი – ანტისაბჭოთა აგიტაციისა და პროპაგანდისათვის გაასამართლეს; სასჯელი მოიხადა მორდოვეთის პოლიტპატიმართა ბანაკში ЖХ 385/3-5 (1983-1985). მუშაობდა ბათუმის ნ. ბერძენიშვილის სახელობის სამეცნიერო-კვლევითი ინსტიტუტში მეცნიერ-თანამშრომლად (1986-1990). იყო საქართველოს უზენაესი საბჭოს დეპუტატი (1990-1992), საქართველოს საკონსულტაციო საბჭოს კოორდინატორი (1992), საქართველოს სახელმწიფო საბჭოს წევრი (1992), პარლამენტის წევრი (1992-1995), აჭარის არ უმაღლესი საბჭოს დეპუტატი (1991-1996), რესპუბლიკური პარტიის აღმასრულებელი მდივანი (1996-2000), რესპუბლიკური პარტიის თავმჯდომარე (2000-2005), ქ. თბილისის საკრებულოს ფრაქცია "ნაციონალური მოძრაობა-დემოკრატიული ფრონტის" თავმჯდომარე (2002-2004). ჰყავს მეუღლე და სამი შვილი.

ეს დაუსრულებელი სტატიაა პიროვნების შესახებ.
თქვენ შეგიძლიათ დაეხმაროთ ვიკიპედიას და შეავსოთ იგი.

Retrieved from "http://ka.wikipedia.org../../../%E1%83%91/%E1%83%94/%E1%83%A0/%E1%83%91%E1%83%94%E1%83%A0%E1%83%AB%E1%83%94%E1%83%9C%E1%83%98%E1%83%A8%E1%83%95%E1%83%98%E1%83%9A%E1%83%98%2C_%E1%83%93%E1%83%90%E1%83%95%E1%83%98%E1%83%97.html"

კატეგორიები: დაუსრულებელი სტატიები პიროვნების შესახებ | ქართველები | ქართველი პოლიტიკური მოღვაწეები | დაბადებული 1960

ბერძენიშვილი, დავით

ვიკიპედიიდან

Views

ნავიგაცია

ძიება