ამირეჯიბი, სიმონ

ვიკიპედიიდან

სიმონ სარდიონის ძე ამირეჯიბი (* 6 აგვისტო/19 აგვისტო, 1877, სოფ. საღოლაშენი, ახლანდელი ქარელის რაიონი ― † 24 ოქტომბერი, 1936, თბილისი), ქართველი მეცნიერი, ბაქტერიოლოგიისა და ჰიგიენის ფუძემდებელი საქართველოში, პროფესორი (1919).

[რედაქტირება] ბიოგრაფია

1903 წელს დაამთავრა ხარკოვის უნივერსიტეტის სამკურნალო ფაკულტეტი. ჯერ კიდევ II კურსის სტუდენტმა ხორცის ექსტრაქტში აღმოაჩინა ახალი ნივთიერება კარნიზონი. 1907-1919 წლებში იყო ხარკოვის სამედიცინო საზოგადოების შრატებისა და ვაქცინების განყოფილების, ხოლო 1915-1919 ბაქტერიოლოგიური განყოფილების გამგე. 1919 წელს საქართველოში დაბრუნდა. ამირეჯიბი იყო თსუ-ის სამკურნალო ფაკულტეტის ერთ-ერთი ორგანიზატორი (1919), დააარსა ბაქტერიოლოგიის (1919) და ზოგადი ჰიგიენის (1920) კათედრები ამ ფაკულტეტზე, მიკრობიოლოგიის კათედრა თბილისის სახელმწიფო უნივერსიტეტის აგრონომიის ფაკულტეტზე (1919). ამირეჯიბი თბილისის სანიტარული ჰიგიენის ინსტიტუტის ერთ-ერთი დამაარსებელი და მისი დირექტორი იყო (1926-1933). მისივე თაოსნობით დაიწყო (1919) საქართველოში ვაქცინებისა და შრატების წარმოება. მან შეისწავლა თბილისის და საქართველოს სხვა ქალაქების წყალსადენების სანიტარიის, მტკვრის გაბინძურების და თვითგაწმენდის საკითხები, მუშაობის სანჰიგიენური პირობები ჭიათურის მაღაროებში, აგრეთვე შავი ყღვის მიკროპლანქტონი და სხვა. შეადგინა სამედიცინო მიკრობიოლოგიის პირველი ქართული სახელმძღვანელო.

Retrieved from "http://ka.wikipedia.org../../../%E1%83%90/%E1%83%9B/%E1%83%98/%E1%83%90%E1%83%9B%E1%83%98%E1%83%A0%E1%83%94%E1%83%AF%E1%83%98%E1%83%91%E1%83%98%2C_%E1%83%A1%E1%83%98%E1%83%9B%E1%83%9D%E1%83%9C.html"

კატეგორიები: ქართველები | ქართველი მედიკოსები | დაბადებული 1877 | გარდაცვლილი 1936

ამირეჯიბი, სიმონ

ვიკიპედიიდან

[რედაქტირება] ბიოგრაფია

Views

ნავიგაცია

ძიება