Arjuna
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Bébas mawi basa Jawi
| Pandhawa |
| Yudhistira |
| Bima |
| Arjuna |
| Nakula |
| Sadewa |
Arjuna iku salah sijining satriya Pandhawa. Sawetara kuwi, Arjuna Sasra wayang liyane kang sesambungan karo crita Ramayana. Ana maneh Gunung Arjuna kang manggon ing Jawa Wetan.
Arjuna iki kondhang amarga sekti lan bagus. Ing tanah Jawa, Arjuna asring dienggo pralambang wong lanang kang dadi pepujaning wanita ing ngendi-ngendi. Ing pedhalangan, Arjuna digambarke alus kaya dene wong wadon. Yen ing India, Arjuna digambarke gagah pideksa. Dheweke lair seka Pandhu lan Dewi Kunti lan asring sinebut Panengah Pandhawa. Kstariyane ana ing Madukara.
Bab lan Paragraf |
[sunting] Dasanama
- Janaka
- Kiritin
- Parta
- Pritaputra
- Permadi/Pamade
- Dananjaya
- Kumbalyali
- Ciptaning Mintaraga (ing lakon Begawan Ciptaning)
- Pandusiwi
- Indratanaya
- Jahnawi
- Palguna
- Danasmara
- Margana
- Kandhi Wrahatnala (nalika nylamur laku dadi banci)
[sunting] Lelanang ing Jagad
Amarga kondhang bagus, Arjuna duwe bojo akeh. Malah ing lakon Arjuna Wiwaha kang dijupuk seka Kitab Kakawin Kakawin Arjuna Wiwaha , Arjuna diparingi widodari-widodari dening dewa.
- Dewi Sumbadra, peputra Abimanyu
- Dewi Larasati, peputra Sumitra.
- Dewi Srikandhi.
- Dewi Ulupi/Palupi, Irawan
- Dewi Jimambang, peputra Kumaladewa lan Kumalasekti.
- Dewi Manuhara, peputra Pregiwa lan Pregiwati
- Dewi Dresanala, peputra Wisanggeni.
Ana salah sijining wanita kang ditresnani Arjuna nanging malah dadi garwane wayang liya, yaiku Dewi Banowati. Nanging sawise rampung Bharatayudha, Banowati bisa dadi siji karo Arjuna, ora ketung mung sewengi.
[sunting] Aji-aji
- Palimunan = bisa ngilang.
- Tunggengmaya = bisa gawe banyu.
- Sepiangin = bisa mlaku tanpa napak lemah.
- Mayabumi = bisa ngalahke mungsuh.
- Pengasih = disenengi wong akeh.
- Asmaragama = ngelmu saresmi.
[sunting] Gaman
- Pecut Kyai Pamuk
- Keris Pasopati
- Panah Sangkali
- Panah Cundhamanik
- Ali-ali Mustika Ampal
- Trompet Dewadata
- Keris Pulanggeni
- Sarotama
- Keris Kyai Kalanadhah
[sunting] Pungkasan Crita
Ing Bharatayudha, Arjuna kelangan kabeh putra-putrane. Nanging putune, Parikesit, dadi raja ing Astina. Sawise perang, Arjuna pindhah dadi raja ing Buwanakeling, kang maune dadi kratone Jayadrata. Ing bubaran perang uga, kabeh bojone dipateni dening Aswatama. Uripe Arjuna rampung bareng karo Pandhawa liyane munggah menyang kahyangan laku liwat Himalaya.
