Vallarfoxgras
Úr Wikipediu, frjálsa alfræðiritinu
| Vallarfoxgras | |||||||||||||||
|---|---|---|---|---|---|---|---|---|---|---|---|---|---|---|---|
 |
|||||||||||||||
| Vísindaleg flokkun | |||||||||||||||
|
|||||||||||||||
|
|
|||||||||||||||
| Phleum pratense Linnaeus |
|||||||||||||||
|
|
Vallarfoxgras (fræðiheiti: Phleum pratense) er fjölært gras af ættkvíslinni Phleum. Vallarfoxgras er ræktað hérlendis og er afar vinsælt til beitar og sláttar. Uppskeran er bæði mikil og orkurík. Tegundin er þó viðkvæm fyrir beit og traðki og nýtist því best í bland við aðrar grastegundir, eins og Vallarsveifgras. Vallarfoxgras vex villt um alla Evrópu, frá Miðjarðarhaf allt norður að 70. breiddarbaug. Frá Evrópu barst það til Bandaríkjanna með landnemum, en það var Daninn Timothy Hansen sem talinn er upphafsmaður ræktunar á vallarfoxgrasi. Upp úr 1720 flutti hann fræ með sér frá Nýja-Englandi til Marylands og vann að útbreiðslu þess. Honum til heiðurs er tegundin enn kölluð Timothy eða Timotei í allmörgum löndum.
[breyta] Líffræði
Vallarfoxgras getur náð 50 til 150 cm hæð og blöðin geta verið allt að 40 cm löng og 1 cm á breidd. Blöðin eru lensulaga og snúa stundum dálítið upp á sig. Blómskipun vallarfoxgrass er axpuntur, sem nefnist einnig kólfur. Hann er snarpur viðkomu vegna stuttra brodda á axögnunum. Vallarfoxgras safnar forða í lauk.
[breyta] Annað
- Vallarfox var fyrst kallað foxgras eða refaskott (vegna þess að kólfurinn líkist refaskotti) þegar tegundin fyrst var flutt til Íslands. Vallarfoxgras nefnist einnig túnskollagras en það heiti er lítið notað.
- Vallarfoxgras er nokkuð líkt Háliðagrasi (Alopecurus pratensis).
