Hogwarts
Úr Wikipediu, frjálsa alfræðiritinu
Hogwarts, skóli galdra og seiða, er skólinn þar sem sögurnar um Harry Potter eftir Joanne Kathleen Rowling gerast.
Skólabyggingin er í risastórum kastala og er skólinn heimavistarskóli. Heimavistirnar eru fjórar: Gryffindor, Ravenclaw, Slytherin og Hufflepuff.
Einkunnarorð skólans eru á latínu:Draco Dormiens nunquam titillandus, eða á íslensku: Aldrei skal kitla sofandi dreka.
Skólastjóri Hogwarts fyrstu sex bækurnar um Harry Potter er Albus Dumbledore og aðstoðarskólastjóri er Minerva McGonagall.
[breyta] Saga skólans
Fyrir rúmlega þúsund árum var Hogwartsskólinn stofnaður af tveimur galdramönnum og tveimur nornum: Godric Gryffindor, Salazar Slytherin, Rowenu Ravenclaw og Helgu Hufflepuff. Stuttu síðar klauf Slytherin sig frá hinum, þar sem hann vildi að aðeins að nemendur með hreint galdrablóð mættu sitja skólann. Hinir stofnendurnir voru ósammála, þannig að Slytherin yfirgaf skólann. Áður en hann fór byggði hann leyniklefa sem var hinum stofnendunum ókunnur. Klefinn var undir þeim álögum að hann myndi opnast þegar "sannur erfingi Slytherins" myndi ganga í skólann og opna hann. Þá yrði hræðilegu skrímsli sem þar bjó, sleppt lausu, og átti það að hreinsa skólann af "óhreinum nemendum" (þeim sem ættu mugga fyrir foreldra).
Leyniklefinn hefur verið opnaður tvisvar.
[breyta] Starfsmenn
- Albus Dumbledore
- Minerva McGonagall
- Severus Snape
- Rubeus Hagrid
- Argus Filch
- Prof. Quirrel
- Gilderoy Lockhart
- Remus Lupin
- Alastor Moody (Bartemius Crouch Jr.)
- Dolores Umbridge
- Filius Flitwick
- Prof. Sinistra
- Madam Hooch
- Prof. Binns
- Prof. Sprout
- Prof. Vektor
- Sybill Trelawney
- Firenze
- Prof. Kettleburn
