Wikipedia:Edita paginas intrepidemente

De Wikipedia, le encyclopedia libere

Wikis se disveloppa plus rapidemente quando le personas qui redige le articulos es intrepide. Tu debe aventurar te e facer ille modificationes, corriger ille grammatica, inserer ille factos, render ille linguage plus precise, etc. Non te inquieta; totes lo expecta. Dunque tu non debe jammais demandar: "Proque non es iste paginas editate?" Surprendentemente, toto functiona. Il exige un pauco de politessa, mais functiona. Tu lo videra.

Si alcuno redige un articulo o schizzo de articulo inferior o mermente humorose, o un absurditate patente, non te preoccupa de su sentimentos. Corrige lo, meliora lo, e si illo es un total guasto de tempore, substitue lo completemente. Isto es le natura de un WikiWiki. Que vive Wikipedia!

Generalmente, le desiro instinctive de un autor de "posseder" su texto scribite es contraproductive in iste systema. Assi como tu pote modificar a voluntate le articulos del alteres, le alteres va modificar intrepide- e impietosemente lo que tu scribe. Non lo prende como un offensa personal. Illes, como nos totes, solmente vole facer de Wikipedia le melior que illo pote esser.