Real Casa da Moeda da Coruña
Na Galipedia, a wikipedia en galego.
A Real Casa da Moeda da Coruña foi unha ceca establecida na Coruña que bateu moeda entre os reinados de Afonso IX e Carlos II. Foi a principal ceca establecida en Galicia, a que máis moeda cuñou e durante máis tempo.
Non hai documentación de cando se estableceu exactamente a ceca da Coruña, de certo sábese que debeu ser entre o 1210 e o 1230 cando se cuñou a primeira moeda, a nome de Afonso IX.
En 1367 Fernando I de Portugal entra en Galicia, coróase rei na cidade da Coruña e toma a casa da moeda e ordenou a emisión de moeda de tipo e denominación igual á portuguesa. En 1371 a ceca coruñesa volve a mans dos reis de Castela e a bater a súa moeda.
No reinado de Henrique IV (1454-1474) a ceca da Coruña adquire ó seu máximo explendor ó emitir tódolos valores que se emitían no reino. En 1471 declárase oficialmente que a cuncha de vieira se empregue no reverso como sinal identificativo das moedas cuñadas na Coruña, cousa que xa era habitual nas moedas batidas anteriormente.
Ata o reinado de Pedro I bateuse principalmente moeda de bellón, posteriormente a prata adquiriu preponderancia.
[editar] Moedas
- Cornado, Afonso IX, Sancho IV, Afonso XI, Henrique II, Xoán I
- Diñeiro, Afonso IX, Fernando III, Afonso X, Afonso XI, Henrique IV
- Pepión, Fernando III, Afonso X, Fernando IV
- Noven, Afonso X, Afonso XI, Henrique II
- Óbolo, Afonso X
- Seisén, Sancho IV
- Dobra, Pedro I, Xoán II
- Real, Pedro I, Henrique II, Xoán I, Henrique IV, Isabel
- Tornés, Fernando I de Portugal
- Barbuda, Fernando I de Portugal
- Cruzado, Henrique II, Henrique III
- Branca, Henrique III, Xoán II, Henrique IV, Isabel
- Cuartillo, Xoán II, Henrique IV
- Castelán, Henrique IV
- Marabedí, Henrique IV
