Portela, Cuntis
Na Galipedia, a wikipedia en galego.
Santa Eulalia de Portela é unha parroquia que se localiza no norte do concello de Cuntis. Segundo o padrón municipal de 2004 tiña 231 habitantes (131 mulleres e 100 homes), distribuídos en 4 entidades de poboación (Portela, Novás, Loureiro de Arriba e Loureiro de Abaixo), o que supón unha diminución en relación ao ano 1999 cando tiña 262 habitantes. Na paraxe do Alvedro, na poboación de Loureiro de Arriba, hai un enclave territorial pertencente á parroquia de Arcos de Furcos.
Preto de Loureiro de Arriba e da cercana aldea do Piñeiro (parroquia de Arcos de Furcos) atópase o castro de Castroloureiro, no medio dun eucaliptal e aínda soterrado baixo terra. Accédese a el por un camiño cunha varanda de madeira que parte dende a pista asfaltada, no treito comprendido entre a nacional e o lugar do Piñeiro.
Destaca-la capela da Nosa Señora de Loreto, situada en Loureiro de Abaixo, e a igrexa parroquial de Santa Eulalia, situada no lugar de Portela.
Galicia | Provincia de Pontevedra | Parroquias de Cuntis | |
---|---|
Arcos (San Breixo) | Cequeril (Santa María) | Couselo (San Miguel) | Cuntis (Santa María) | Estacas (San Fiz) | Piñeiro (San Mamede) | Portela (Santa Eulalia) | Troáns (Santa María) |