Liga Hanseática
Na Galipedia, a wikipedia en galego.
A Liga Hanseática ou Hansa xermánica foi un dos fenómenos comerciais máis importantes da historia de Europa. Era unha alianza de cidades libres que comerciaban entre sí principalmente no mar Báltico pero tamén no mar do Norte. A capital da Hansa estaba en Lübeck, Alemaña.
[editar] Ascensión
Creouse a mediados do século XIII como unha alianza entre Hamburgo e Lübeck, para protexer os seus intereses comerciais e compartir o control das rutas comerciais. Esta primitiva Hansa firmou, en 1252, uns acordos con Flandes, co a cidade de Bruxas, a maior deste país, entraba a formar parte da unión de Hamburgo e Bremen.
Outras cidades, Rostock e Wismar tamén concluíron unha alianza con Lübeck en 1259, co obxeto de executar accións comúns contra os bandidos e os piratas. Máis tarde, os mercaderes de Lübeck e Hamburgo estableceron organizacións mercantiles en Londres, cidade na que os mercaderes da cidade de Colonia, os cales tamén tiña un gran peso comercial e disfrutaran dun réximen de monopolio.
Bremen e Danzig se afiliaron á asociación Lübeck-Hamburgo e foron seguidas por varias ligas, unha das cales agrupaba cidades de Westfalia, a zona do Rin e os Países Baixos, e outra a constituían cidades prusianas, lituanas e estonias. A federación, denominada Hansa en 1343, pronto inclueu arredor de 90 cidades.
En 1362, a liga declara a guerra a Dinamarca en resposta pola ocupación de Visby, na illa de Gotland. Dinamarca foi forzada en 1370 a pagar indemnizacións e ceder territorios, o cal incrementou o poder da Liga.
[editar] Actividades da Liga
No século seguinte a Liga creou novos centros mercantís e de civilización na Europa do norte, desenvolveu a agricultura, as técnicas industriais e se construíron canles e estradas. A Liga era gobernada democráticamente por unha Dieta (en Hansetag), formada por delegados das cidades membras, pero o que non logrou crear foi un goberno centralizado, que contribuiu ó colapso posterior de Liga.
A flota mercante da Liga Hanseática estaba formada por uns barcos chamados cocas hanseáticas (ou cocas, simplemente). Estos robustos barcos podían transportar unha gran cantidade de mercancías e eran moi manobrables.
[editar] A caída
A desintegración, iniciada a finais do século XV, acelerouse pola consolidación de Estados soberáns en Europa, o descubrimento de América e o desenrolo do poderío marítimo holandés e inglés. A confrontación entre a Liga e Inglaterra ocasionou a captura de 61 navíos hanseáticos por este país en 1589. A guerra dos Trinta Anos (que estalou en 1618), foi outro revés da organización.
Cara 1630 só Lübeck, Bremen e Hamburgo seguían integrando a Liga. Esta unión sobreviveu 39 anos, durante os cales as tres cidades conservaron unha independencia política nominal e a denominación de cidades hanseáticas.
Moito despois, co ascenso de Hitler ó poder en Alemania, os privilexios destas tres cidades foron revocados en 1934.
