Laias, Cenlle
Na Galipedia, a wikipedia en galego.
Laias é unha parroquia do concello de Cenlle situada á beira do río Miño, na aba do monte San Trocado e lindando coas parroquias de Razamonde, Eiras, A Barca de Barbantes, e, co río no medio, coas de Puga e Astariz, Castrelo, Astariz.
Comprende os lugares de Campo, Carballeira de Arriba, Deirón, Regueiro, Val e Viñal do Rei.
O curato é de término e o patronato laical.
Existen unhas augas termais coñecidas posibelmente xa en época romana. As augas continuáronse usando até a Idade Media, se ben se descoñece en que tipo de instalacións. Parece que o rei de León Vermudo II usounas con frecuencia para curarse da gota. En maio de 1718, o arcebispo de Ourense visitou o lugar e escribiu sobre os efectos beneficiosos dos mananciais da zona. En 1865 un home morreu nuna pía do baño común, o que indica que había varias pías para baños e que as utilizaban tamén forasteiros. A mediados do século XX construíuse un balneario, que foi asulagado coa construción do encoro de Castrelo de Miño. Actualmente, Vila Termal de Laias.
Pode ser o lugar de Lais referido por Hidacio no seu Cronicón (case ao final) ao relatar un suceso misterioso, "topouse no río catro peixes nas escamas dos cuales había letras gregas e hebreas que compuñan o número 365, coincidinte co número de días do ano".
Galicia | Provincia de Ourense | Parroquias de Cenlle | |
---|---|
A Barca de Barbantes (Santo Antonio) | Cenlle (Santa María) | Esposende (Santa Mariña) | Laias (Santa Baia) | Osmo (San Miguel) | A Pena (San Lourenzo) | Razamonde (Santa María) | Sadurnín (San Xoán) | Trasariz (Santiago) | Vilar de Rei (San Miguel) |
[editar] Enlaces de Interese
http://www.terra.es/personal3/valberte/historia.htm