Fachada do Paraíso
Na Galipedia, a wikipedia en galego.
A Fachada do Paraíso foi unha portada románica da Catedral de Santiago de Compostela xa desaparecida que databa do século XII e que daba á Praza do Paraíso, fin do Camiño de Santiago.
A portada descríbese no Libro V do Códice Calixtino. O tema da portada estaba centrado no pecado e na redención da humanidade. O friso presidíao un Cristo en Maxestade (que se conserva actualmente nas Praterías), rodeado polos símbolos dos evanxelistas e representacións do Paraíso e do anuncio da chegada do Salvador. A Fachada do Paraíso destruiuse a fins do século XVIII e parte dos seus relevos leváronse á Fachada das Praterías.
[editar] Galería
En orixe estes relevos formaban parte da fachada do Paraíso, actualmente están inseridos na fachada das Praterías.