Concilio ecuménico

Na Galipedia, a wikipedia en galego.

Concilio de Trento

Concilio ecuménico é unha reunión dos bispos de toda a Igrexa para decidir sobre asuntos doutrinais.

Na actualidade, o concepto de "tódolos bispos da Igrexa" difire segundo as ramas do Cristianismo. Os ortodoxos, na súa maior parte, exclúen a Igrexa Católica e os protestantes; a Igrexa Católica exclúe, igualmente, os protestantes e os ortodoxos.

Ao longo de toda a historia, os concilios ecuménicos teñen xogado un papel moi importante na fixación da doutrina eclesiástica.

Índice

1 Lista dos concilios ecuménicos

[editar] Lista dos concilios ecuménicos

[editar] Primeiros sete concilios

1. Primeiro Concilio de Nicea (325). Rexéitase o Arrianismo.
2. Primeiro Concilio de Constantinopla (381). Revísase o "Credo de Nicea" e establécese que só poderá ser modificado nun concilio ecuménico.
3. Concilio de Éfeso (431). Rexéitase o Nestorianismo e proclámase a Virxe María como a nai de Deus.
4. Concilio de Calcedonia (451). Rexéitase o Monofisismo, co que se declara que as dúas naturezas de Cristo non se mesturaron.
5. Segundo Concilio de Constantinopla (553). Condénanse novas manifestacións das herexías xa rexeitadas.
6. Terceiro Concilio de Constantinopla (680-681). Declárase que Cristo tiña desexos tanto de índole humana como divina.
7. Segundo Concilio de Nicea (787). Permítese de novo a adoración de iconas.

[editar] Concilios 8 e 9

[editar] Para os católicos

8. Cuarto Concilio de Constantinopla (869-870). Deponse o patriarca de Constantinopla.
9. Primeiro Concilio de Letrán (1123). Decidiuse sobre o asunto da división de poderes entre Igrexa e Imperio.

[editar] Para algúns ortodoxos

8. Cuarto Concilio de Constantinopla (879-880). Vólvese a darlle a súa posición ao patriarca de Constantinopla que fora deposto no Cuarto Concilio de Constantinopla dos católicos.
9. Quinto Concilio de Constantinopla (1341-1351)

[editar] Concilios católicos 10 ao 21

Xoán XXIII, convocante do Concilio Vaticano II

10. Segundo Concilio de Letrán (1139). Prohíbense os matrimonios dos clérigos; establécese a excomuñón como pena para os ataques ós clérigos.
11. Terceiro Concilio de Letrán (1179). Limítase a elección dos papas ós cardeais, condénase a simonía e prohíbese que alguén con menos de trinta anos sexa bispo.
12. Cuarto Concilio de Letrán (1215). Trátase o tema da transubstanciación e a primacía do papa. Ordénase que os xudeus e musulmáns leven roupas especiais para seren distinguidos.
13. Primeiro Concilio de Lión (1245). Establécese a mitra vermella para os cardenais e chámase á guerra na Terra Santa.
14. Segundo Concilio de Lión (1274). Inténtase reunificar a igrexa, apróbanse as ordes franciscana e dominica e establécese o sistema de conclave.
15. Concilio de Viena (1311-1312), tómanse medidas contra os templarios.
16. Concilio de Constanza (1414-1418). Despois do fallido Concilio de Pisa (ó que non se lle dá número porque non o convocou un papa), resolveu a crise do Cisma de Occidente.
17. Concilio de Basilea (1431-1445). Inténtase de novo reconciliarse coa Igrexa Ortodoxa.
18. Quinto Concilio de Letrán (1512-1517). Intento de reforma da Igrexa.
19. Concilio de Trento (1545-1563). Iníciase a Contrarreforma: establécese o rito da misa e reacciónase contra o Protestantismo.
20. Concilio Vaticano Primeiro (1870). Establécese o dogma da infalibilidade do papa.
21. Concilio Vaticano Segundo (1962-1965). Renóvase a doutrina para aproximala ós tempos modernos (entre outros, permítese o uso das linguas propias de cada lugar na liturxia).