Acqui Terme
Na Galipedia, a wikipedia en galego.
Acqui Terme, comuna da provincia de Alessandria, Piemonte, Italia. 19.183 habitantes, situada a 156 metros de altitude.
A economía da cidade depende en gran medida do turismo xerado polas termas.
[editar] Historia
En orixe foi un asentamento ligur fundado co nome de Caristum.
A cidade foi conquistada polos romanos no 173 a.C. polo cónsul Marco Popilio Lenate, reconstruída co nome de Aquae Statielle como cidade romana. No 109 a.C. aumenta a súa importancia económica cundo foi construída a vía Aemilia Scaurii. A súa importancia prosegue cando menos ata o século II d.C., grazas ás súas termas, consideradas entre as mellores do Imperio.
Coa fin do Imperio romano Acqui sofre un longo período de decadencia, conquistada polos longobardos, forma parte do ducado de Asti.
Dende o 978 o emperador Otón II outorga o goberno da cidade o bispo. No 1278 únese ao marquesado de Monferrato.
[editar] Arquitectura
Catedral de Santa María Assunta fundada no 989 e consagrada no 1067, é un edificio de cruz latina de cinco naves. Do estilo románico consérvanse as ábsidas e a cripta. Entre o século XVI e o XIX renóvase a decoración interna.
Castelo dos Paleólogos, hoxe sé do museo arqueolóxico, construído no 1056, reconstruído na forma actual no XV por Guillerme VII de Monferrato.
Igrexa da Adoración fundada no século VII polos longobardos. Fondamente transformada no XVIII, quedan da igrexa orixinal a nave principal, as ábsides e o campanario restan da igrexa orixinal.
Igrexa de San Francisco, neoclásica, fachada con gran tímpano .
