Pinacoj
El Vikipedio
| Pinacoj | ||||||||||
|---|---|---|---|---|---|---|---|---|---|---|
 |
||||||||||
| Biologia klasado | ||||||||||
|
La specioj de pinacoj estas arbarformigaj specioj de la norda hemisfero. Ili aperis en la jurao kaj nun havas pli ol 210 speciojn.
En norda direkto kaj en la altmontaro ili formas la arbolimon. Ili esats ĉiamverdaj krom la lariko. La pinglofolioj staras du- tri- kvinope aŭ are en faskoj aŭ en du vicoj (kombile).
La masklaj floroj entenas multajn - helice situnatajn - stamenojn super skvamformaj folioloj. Tiuj stamenoj staras sur mallonga petiolo, la pinto kurbiĝas supren kaj ili portas sur la suba flanko du polensakon. La pistila (femala) strobil-infloreskoj ligniĝas. Sur la strobiloj troviĝas la nefekundaj kovril-skvamoj, en kies akselo sidas same spiralvicela frruktoskvamoj. Ĉe la bazo de la fruktoskvamoj sidas - rigardante al la bazo- du prosemoj. Oni povas bone rekoni ĉe la maturaj strobiloj la strobil-skvamojn evoluintajn el la frujtoskvamoj. La kovril-skvamoj restas plej ofte rudimentaj (escepto estas ekz. la abio, el kies strobilo elpendas la kreskintaj kovril-skvamoj). Ĉiu pinaco estas senescepte ektomikoriza. Laxu la grupiĝo de la pinglofolioj, oni dividas la familion je 3 subfamilioj.
Listo de la genroj:
- Pinus Pinoj (ĉ. 115 specioj)
- Picea Piceoj (ĉ. 35 specioj)
- Cathaya (unu specio) katajo
- Larix Larikoj (ĉ.11 specioj)
- Pseudotsuga Duglasa abio (5 specioj)
- Abies Abio (ĉ. 50 specioj)
- Cedrus Cedro (2 aŭ 4 specioj laŭ la fakuloj)
- Keteleeria (3 specioj)
- Pseudolarix (1 specio) ŝajnlariko
- Nothotsuga (1 specio) notocugo
- Tsuga (9 specioj) cugo
