Mukokotoni
El Vikipedio
Mukokotoni (svahile Mkokotoni) estas urbo sur insulo Zanzibaro, ĉefurbo de regiono Norda Zanzibaro. Laŭ censo en 2002 ĝi havis 2.388 loĝantojn.
Mukokotoni situas ĉe la okcidenta bordo de la insulo, rande de golfeto, en kiu troviĝas insulo Tumbatu. La prama trafiko de Tumbatu kaj Zanzibaro uzas la havenon de Mukokotoni, antaŭ kiu ne estas baranta rifo, kiel ĉe la plejparto de Zanzibaro. Tio faciligas ne nur la pramtrafikon, sed ankaŭ la fiŝkaptadon.
La 29-an de aprilo 2006 ĉirkaŭ 300 mortaj delfenoj estis trovitaj ĉe la marbordo proksime de la urbo. La kaŭzo de ilia morto estas neklara.
