Alcededoj
El Vikipedio
Biologio > Birda klaso > Alcededoj
Subordo de birdoj kun longa, forta kaj pinta beko kiu enhavas tri familiojn kaj 92 specojn. Ili nestas en tuneloj.
Ekzempla specio:
- Eŭropa alciono
Alcionoj estas birdoj de tri proksimegaj rilatataj familioj, nome: Alcedinidoj (riveraj alcionoj), Halcionidoj (arbaj alcionoj) kaj Cerilidoj (akvaj alcionoj). Estas ĉirkaŭ 90 alcionaj specioj. Ĉiuj el ili havas larĝajn kapojn, longajn, fortajn kaj pikajn bekojn, mallongajn krurojn kaj vostojn. Ili estas ĉie tutmonde.
La ordigo de tiuj tri familioj ne estas facila. Ĝis 1990 oni supozis nur unu familio enhavanta tri subfamiliojn. Poste la studoj pri enmiksiĝoj kaj DNA pruvis, ke temas pri tri vere diferencaj familioj sufiĉe proksimaj por ke ili kunformu subordon Alcededoj aŭ Alcedinoj, sufiĉe diferenciitaj de la aliaj birdoj de la ordo Coraciiformes.
Tiu subordo enhavas tiom malsimilaj birdoj kiom arba aŭstralia kukabarao larĝa je 45 cmj kaj rivera eŭropa alciono mallonga je 16 cmj. Alcionoj vivas en ambaŭ medioj kaj arba kaj rivera. Arbaj alcionoj manĝas ĉefe reptiliojn, tiuj riveraj manĝas fiŝetojn, ranojn, insektojn kaj kankrojn plonĝante el la supro. Malgraŭ elekti diferencajn manĝaĵojn la tri familio same perforte frapas la ĉaŝaĵon kontraŭ arbo aŭ ŝtono aŭ lasas ĝin fali desupre antaŭ engluti aŭ forporti ĝin al la idoj.
La tropikaj zonoj estas la ĉefaj areoj kie vivas alcionoj. En Eŭropo aŭ Nordameriko vivas respektive nur unu ĉefa specio en ĉiu kontinento kaj malmultaj nekomunaj aŭ lokaj specioj. En Sudameriko nur 5 specioj loĝas kaj 1 plia vintras. Kompare nur en afrika landeto Gambio vivas 8 loĝantaj specioj.
 |
 |
 |
