Зайцев Юрий Антонович
Материал из Wikipedia.
Зайцев Юрий Антонович, — чăваш живописецĕ, фотографĕ. 1890 çулхи авăн уйăхĕн 27-мĕшĕнче Чăваш Енĕн Сĕнтĕрвăрри районĕнчи Ирх Çырми ялĕнче çуралнă. 1972 çулхи раштавăн 25-мĕшĕнче Шупашкарта çĕре кĕнĕ.
1934 çултанпа СССР ӲП членĕ. 1968 çулта Чăваш АССРĕн тава тивĕçлĕ художникĕ ятне панă.
[тӳрлет] Пурнăçĕ
Ашшĕпе амăшĕ: Антон Семеновичпа Матрена Егоровна Плотниковсем.
Ятарлă ӳнерлĕ вĕренӳ илмен. 1907-1912 çулсенче П.В. Комиссаров патĕнче вĕреннĕ, кайран К.Ф. Юонпа И.О.Дудинăн бригадинче (1912), И.П.Богдановăн килти студийĕнче вĕреннĕ. Çавăн пекех 1914 çулта Ф.Р.Ральян подрядчик патĕнче Хĕрсен çĕнĕ мăнастирĕнче, 1915 çулта Янцен, Вейдовский, Куклин бригадисенче Дон-çинчи-Ростовра вăй хунă.
1945 çулта ăна айăпсăр айăпланă, 5 çуллăха хупнă. 1958 çулхи раштавăн 30-мĕшĕнче таса ятне тавăрнă.
[тӳрлет] Ĕçĕсем
Тĕп ĕçĕсем:
- «Чебоксары» (Шупашкар, 1933),
- «Колхозница Лиза с подругой» (Лиза колхозница тата тусĕ, 1934),
- «Акатуй» (1935),
- «Балхашстрой» (1936)
- «Пограничный разъезд» (1937),
- «Хмель» (Хăмла, триптих, 1963),
- «Над Цивилем» (Çавал тăрăхĕнче, 1965),
- «Песни Чувашии» (Чăваш çĕрĕн юррисем, 1965),
- «Матери» (Амăшĕсем, 1969),
- «Течет река Волга» (Юхать Атăл, триптих, 1968),
- «Нарспи» (1970),
- тата ыттисем.
