Rouantelezh Ceredigion
Diwar Wikipedia, an holloueziadur digor
Ur rouantelezh kozh eus Bro-Gembre e oa Ceredigion. En em astenn a rae a-hed aodoù kornôg ar vro, el lec'h m'emañ bremañ Aberystwyth hag Aberteifi.
[kemmañ] Istor
Krouet e voe Ceredigion gant Ceredig Ceredigion pa gasas kuit an Iwerzhoniz eus Bro-Gembre. Evit an taol-kaer-se e roas Cunedda Wledig ar vro tro-war-dro da Vae Ceredigion dezhañ, da vezañ roue e-unan enni. Krediñ a reer ec'h endalc'he Rhos ivez met un isrouantelezh eus Gwynedd e teuas ar rannvro-se da vezañ diwezhatoc'h.
Betek ar bloavezh 700 e padas rouantelezh Ceredigion. Pa voe staget Ystrad Tywi outi gant ar roue Seissyll e voe graet Seisyllwg eus ar rouantelezh brasaet.
Anv ur gontelezh eo bremañ.
[kemmañ] Listenn rouaned Ceredigon (n'eur ket sur eus an amzeriadoù)
- Ceretic (Ceredig) : 424 - 453
- Usai ap Ceredig : 453 - 490
- Serwyl ap Usaic : 490 - 525
- Boddw ap Serwyl : 525 - 560
- Arthfoddw ap Boddw : 560 - 595
- Arthlwys ap Arthwfoddw : 595 - 630
- Clydog ap Arthlwys : 630 - 665
- Seisyll ap Clydog : 665 - 700
[kemmañ] Gwelet ivez
 |
Keltia |  |
|---|---|---|
|
Breizh | Iwerzhon | Kembre | Kernev-Veur | Enez-Vanav | Bro-Skos |
||
|
Gwelout ivez : Ar Gelted - Ogham - Yezhoù keltiek |
