Pinagrok
Halì sa Wikipedia
An pinagrok mayo man pinag-iba sa pig-on-on haros. An dakulang kaibahan lang iyo ta an sirâ (puyo an masiram pagrokon) dai hinihinulakan.
[hirahón] Pag-andam asin pagluto
An mga sira kinakaag sa kaserola asin ginogo'go' sa asin. Kun sarong kilo an puyo halimbawa, mga saro kaapatan (1/4) man na kilong asin an ikaag. Go'go'on na maray sagkod na sa huna mo nagtukal na an halnas saka langsi' kan sira'. Sa paggo'go' nagagadan na padagos an mga sira'.
Dangan hugasan na maray sa tubig sagkod na maglinaw an tubig. Bago ikaag sa kaserola hapinan nin mga dahon adgaw saka ikaag na an mga lulutoon na sira. Tapos kaagan dikit na tubig. Ikaraag na an mga sangkap na rekado: bawang, sibulyas, la'ya, paminta asin dahon paminta. Tapos asinan na dikit na magnamit. Kaagan nin suka na medyo lantop sa langkaw kan mga sira. Lutoon na sagkod na maglomoy.
