Inon-on
Halì sa Wikipedia
An inon-on sarong lutong Bikolnon. Igwang duwang klase kaini, an sa sukà sagkod an sa kamatis. Bawang, lâya, paminta, asin, sagkod sibulyas an mga sangkap sa inon-on sa sukà. Sa inon-on sa kamatis, inaapod man na inalsoman sa kamatis, pareho an mga sangkap apwera sa sukà.
[hirahón] Pag-andam
Ikakaag an mga sangkap susog sa timplada asin pagkadakul kan sira. Enot, pighahapinan an kaldero nin dahon batag (maski dai lobloban) nganing dai dumukot asin maronot an sira sa pagluto. Sunod, pigkakaag an mga sira sa kaldero dangan pisasalak an mga sangkap na bawang, sibulyas, laya, paminta sagkod asin. Piglalaagan nin solyaw o cup nin suka an kaldero dangan tutubigan na tama sa timplada. Dapat an sinalak na suka, kun inon-on sa sukà, asin tubig pantay sana sa langkaw kan mga sira. Pigluluto an sira hanggan maglumoy. Kinakaagan man nin ibà tangarig pasiramon an namit.
