Computer
Aus Wikipedia
Des Woat Kompjuuta is aus'm englischn (Computer) und bedeit nix andas ois wia Rechna oda Kalkulierer (von to compute - rechnen, berechnen, kalkulieren) A gängige Abküazung im Boarisch'n dafüa is' Kompi
Ois an Kompjuuta bezeichnet ma a Kistl aus Blech oda Blastigg in dem an Haufa Elektronigg drinstggt. Zu am Kompjuuta g'heat a Buidschiam oda sunst irgand a Ausgabegerät wos oahm de Ergebnis vo de Berechnungan de im Kistl g'macht woan san, ozoang duat. Um de Rechnungen ins Kistl einzumbringa is a Eingabegerät notwendig. Heitigndogs is des im Regelfoi a Tastatua.
Säitsamerweise duat trodz dem Nam heidtzudog kaum meah oahna midt'm Kompi "rechnen".
[dro wärkln] G'schicht vo de Kompjuuta
De Leidt, de mit an Hauffa Rechnen z'doan g'habt hom, hom scho ollewei übalegdt, wia sa se de Arwat leichta mache kennt'n. Dabei homs sa'se a scho recht boid Huifsmittl g'nomma, wia d'Finga oda Stoana oda Stecka'n. Oans vo de am längstn benutztn Rechnmaschinan is da Abakus, den's scho seidt mindestns 1100 voa Jessas' Gebuat gibt.
Ollahand raffinierde Maschinen gibts, de ma drähn ko um Z'amzsäin z'kenna indem ma anna Kurwe draht, doch des is von am heitig'n Kompjuuta weid weg.
Den earschtn dea a wirkli funtionierd hodt, hodt da Konrad Zuse baut. De Maschin' war no ganz und gor mechanisch aufbaut und hot domois, anno 1938 wega da manglndn Genauigkeit leida no nedt so recht g'arwat. Spaada, noch'm Kriag, wo de Z1 aufg'arwat woan is vo de Bombn, hodt mas' nomoi baut und festg'stäidt, daß a ganga is'.
