Computator
De Wikipedia, le encyclopedia libere
Un computator o computer [com-pyú-tr] es un machina que processa datos secundo un procedura formal (algorithmo). Le majoritate del computatores es apparatos digital, ma existe de facto computatores analoge.
Originalmente le parola anglese computer describeva personas que faceva calculationes complexe, con o sin adjuta mechanic. Plus tarde le termino esseva usate pro denominar apparatos.
Computatores moderne es usate pro multo plus que solmente applicationes mathematic. Multe cargas administrative e financiari es delegate al computator, assi como le provision de information (internet) e de jocos. Computatores mesmo fabrica cosas material, per exemplo in le caso de robots a un banda transportator.
Un scientia que se disveloppava insimul al computator es le informatica.
Un computator debe pro poter functionar esser providite de un programma, i.e. software. Le electronica del qual le computator consiste se appella hardware (un parola que in le lingua anglese ha un significato multo plus large que in interlingua).
A causa del extense miniturisation e augmentation de rapiditate, il ha un crescente possibilitate de implementar functionalitate in software que previemente existeva in hardware. Le avantage de un tal disveloppamento es que functionalitate pote esser addite posteriormente. Tal programmas se appella sovente firmware.
Desde 1981 le computator personal (PC) ha devenite gradualmente un parte essential del vita quotidian.
[modificar] Como es applicate le computator
Computatores in le officio hodierne es sovente interconnectite in un rete computatorial, in que usatores diverse utilisa con un proprie PC software e datos immagazinate in un servitor. Pro obtener informationes de internet es sovente utilisate un modem o, in caso de un grande rete computatorial, un router, e optionalmente un servitor proxy pro filtrar datos de internet.
Un application de computatores ancora multo in disveloppamento es le intelligentia artificial que es applicate i.a. in joco computatorialjocos computatorial e in le robotica.
A casa computatores es sovente usate pro jocar jocos, consultar information via internet, communicar via e-mail, conversar in-linea (chat) o discuter cosas in foros. Le generation actual de computatores anque es ben usabile pro rediger files digital photographic e videographic. Multe personas usa tamben le computator pro correspondentia o pro lor administration.
Pecietta concernente informatica
Iste articulo es ancora in stato embryonic: illo es un pecietta. Nos te invita cordialmente a completar lo pro meliorar Wikipedia in Interlingua.
