Islam
De Uiquipedia
L'islam (pallabra árabe que significa "sumisión", n'árabe الإسلام) ye una de las tres relixones monoteístas xunta'l cristianismu y el xudaismu. Algama'l segundu llugar pol númberu de seguidores tres la Ilesia Católica.
Los sous seguidores conócense pol nome de musulmanes ou mahometanos. Anguaño el termu máis espardíu ye'l primeiru, puéis el segundu ye ofensivu pal islam ortodoxu (nel islam la divinidá ye Alá, nun el profeta Mahoma).
Surdíu nel sieglu VII n'Arabia y lluéu s'espardíu por Oriente Mediu y pol norte d'África, chegando mesmu ta la Península Ibérica.
Tabla de conteníos |
[editar] Llibros sagraos
Los ensinos del profeta Mahoma recuéyense nel Corán ("Qur'an" ye una de las pallabras árabes col significáu de "llibru"), llibru santu del islam escritu polos primeiros seguidores de Mahoma tres ésti recitare la pallabra divina por intervención del ánxelu Gabriel.
Sacante'l Corán, las creencias y prácticas del islam baséanse na lliteratura Hadith, qu'aclara las pallabras del profeta.
[editar] Prencipios del islam
Tolos fregueses, profesen el chiísmu ou'l sunismu creyen nos mesmos prencipios:
- Diéus (Alá)
- Ánxelos
- Corán
- Profeta Mahoma
- Día del Xulgamientu Cabeiru
- Tou vien ya ye de Diéus
- Cincu deberes sagraos
Los cinco deberes sagraos qu'obriga l'islam a practicar a los sous seguidores son:
- el recite y l'aceptación de créu islámicu (Shahada ou شهادة)
- l'oración diaria (Salat ou صلاة)
- el pagu de dádivas rituales (Zakat ou زكاة)
- la observación del ayunu nel mes del Ramadán (Saum ou صوم)
- la peregrinaxe a la ciudá santa de la Meca uan vez na vida (Hadsh ou حج)
[editar] Espardimientu del islam pol mundiu
La fe islámica ye mayoritaria en tolos países d'étnia y llingua árabe, sacante Malta, en Turquía, n'Irán, Afganistán, Paquistán, Asia central y nel surleste asiáticu. N'Europa ye mayoritaria n'Albania y en Bosnia-Herzegovina. Hai importantes minorías islámicas tamién en Macedonia, Bulgaria, Serbia y Montenegru, Francia y Alemaña.
[editar] Enllaces esternos
- cennet - islami directory