Arabia

De Uiquipedia

La península Arábiga

Arabia (n'árabe,العربيّة, al-'Arabīyah) ye una península del sudeste d'Asia, na xuntura con África. Ye una rexón mayoritariamente de clima desérticu. Tamién ye conocida como península Arábiga.

La costa de la península ta bañada pal oeste pola mar Bermeya y el golfu d'Aqaba, al sur pola mar d'Arabia y pal este pol golfu d'Omán y el golfu Pérsicu. Pal norte llenda con Israel, Xordania, Iraq y Kuwait. Políticamente la península Arábiga ta dixebrada nos vinientes estaos (allugaos por orde de tamañu):

• Arabia Saudita.
• Yemen.
• Emiratos Árabes Xuníos.
• Qatar.
• Bahrain.

Arabia Saudita (reinu gobernáu pola dinastía wahhabidta de los al-Saüd) ocupa la mayor parte de la península, que tien una estensión total de 3.000.000 km² la mayoría de la población, averada pa los 50 millones, vive n'Arabia Saudita y en Yemen. El subsuelu d'Arabia contién grandes cantidaes de petroleu. Nesta península atópanse La Meca y Medina (dambas n'Arabia Saudita), las dúas ciudaes santas del Islam, poru'l país tien una gran influyencia nos estaos vecinos. Amás los Emiratos Árabes Xuníos y Qatar son la sede de las principales cadenas de televisión del mundiu árabe, comu por exemplu Al-Jazira.

El términu Prósimu Oriente dacuandu aplícase namái a esta península, lu que ye una incorreición dau qu'esti refierse tamién a l'antiga Mesopotamia y territorios vecinos. Ye común referise a tola península sol nome d'Arabia, masque noutras dóminas esta pallabra facía referencia a tol mundiu árabe dende Marruecos ta Omán.

[editar] Hestoria antiga

Arabia ye literalmente'l país de los árabes, por ser el bierzu d'esta cultura, esta etnia ye conocia dende'l 2^u mileniu a.C.

Los primeiros soberanos d'Arabia remóntanse ta'l sieglu VIII a.C., si qu'asina namáis gobernaban confederaciones tribales, yá que la rexón fou habitada tradicionalmente por pueblos nómadas; la escasez d'auga y la gafura del suelu lu facían un terrén inhóspitu pa l'agricultura. Asina, nos anicios atopamos las reinas Zabida y Samsi, y nu escomienzu del sieglu VII a.C. apaecen las reinas Iati, Te'elhunu, Hazael y Iskallatu (las dúas postreras pareyas de reinas gobernorun xuntas).

Arabia tamién fou una provincia del Imperiu Romanu haza'l sieglu II a.C., tratábase del antigu reinu nabatéu, en territoriu de l'actual Xordania, el Sinaí y la parte noroccidental d'Arabia Saudita; Petra yera la capital, poru yera nomada Arabia Petria, en llatín Arabia Petraea.