Corán
De Uiquipedia
El Corán n'(árabe القرآن [al-qurʼān], lliteralmente "la recitación"; tamién se-y noma Al Qur'ān Al Karīm o El noble Corán; o bien, de forma treslliterada, Quran, Koran y Alcorán) ye'l llibru sagráu del Islam, que sigún los musulmanes contien la pallabra de Dios (Allāh, الله), revelada a Mahoma (Muhammad, محمد), quien recibió estes revelaciones por mediu del ánxel Gabriel (Yibrail o Yibril, جبريل). Demientres la vida del profeta Mahoma, les revelaciones yeren tresmitíes oralmente o escrites en fueyes de palmeres, trozos de cueru o güesos, ya eso. A la muerte del profeta, en 632, los sos siguidores escomenzaron a reunir estes revelaciones, que demientres el Califatu d'Utman ibn Affan (عثمان بن عفان) tomaron la forma que güei conocemos, 114 capítulos (azores, سورة), caún dividíu en versículos (aleyes, آيات).