Ilesia Católica
De Uiquipedia
La Ilesia Católica Apostólica Romana ye una relixón cristiana que tien abonda presencia n'Europa Occidental, América llatina y Filipines. Su cabeza ye'l Papa, obispu de Roma.
La pallabra católica vien del griegu καθολικος, kazolikós, que quier decir 'universal'.
La Ilesia organízase en diócesis, que tan a cargo d'un obispu. Éstes, a su vez, agrúpense en provincies, a la cabeza de la cual ta una archidiócesis. Otres xerarquíes son les prelatures y los vicariatos.
Los obispos encárguense de cada diócesis. Son ayudaos por los presbíteros y los diáconos. Ningún obispu, aunque sea cardenal, tien autoridá sobre otru, solu dependen del Papa.
Los cardenales son los que ayuden al Papa nel gobiernu de la Ilesia y na alministración del Vaticano, que ye la sede oficial de la Ilesia. Tamién son los encargaos d'elexir nuevo Papa cuando muerre l'actual.
El Papa ye el xefe de la Ilesia. Según la tradición católica, ye el sucesor de Pedro.
Les órdenes relixosas nun pertenecen a la organización xerárquica de la Ilesia. Pueden ser de dos tipos:
- De derechu diocesanu: dependen del obispu de la diócesis na que son reconocíes.
- De derechu pontificiu: dependen directamente del Papa, aunque deben trabayar xunto a los obispos de les diócesis onde vayan tar.
