Amélie

De Uiquipedia

Amélie (títulu orixinal: Le fabuleux destin d'Amélie Poulain, "El fabulosu destín d'Amélie Poulain"; llanzada oficialmente como Amélie de Montmartre) ye una película francesa, del xéneru comedia romántica que s'estrenó en 2001. L'eslogan de la película yera "Va cambiate la vida..." (En francés: "Elle va te changer la vie...").

Ta escrita por Guillaume Laurant y pol so director, Jean-Pierre Jeunet.

Convirtióse nuna de les películes franceses más taquilleres de tolos tiempos, desbancando a les americanes en Francia y algamando sonadía n'Estaos Xuníos, el restu d'Europa y hasta Xapón.

[editar] Sinopsis

Amélie Poulain, ye una camarera que trabaya nun bar-estancu de Montmartre. Tuvo una neñez solitaria marcada pola tráxica muerte de so madre, y la escasa atención de so padre. Pasa'l so tiempu observando a la xente y dexando esnalar la so imaxinación. Ella márcase una meta: facer el bien de los que l'arrodien. Inventa entós histories pa intervenir d'incógnitu na vida de la xente pa face-yosla más feliz. El so encuentru con Nino Quincampoix, vendedor nun sex-shop, pero suañador y orixinal, va venir a alteriar los sos planes.

[editar] Repartu

Audrey Tautou - Amélie Poulain
Mathieu Kassovitz - Nino Quincampoix
Rufus - Raphaël Poulain, pa d'Amélie
Yolande Moreau - Madeleine Wallace, la portera
Arthus de Penguern - Hipolito, l'escritor
Urbain Cancelier - Collignon, l'ayudante del tenderu

Esta película distribuyóse nos Estaos Xuníos por Miramax y llanzóse en payares de 2001.

[editar] Premios

La película foi un ésitu de taquilla, algamó galardones nacionales y internacionales. Tuvo nominada pa cinco Premios Oscar:

Meyor direución artística, Aline Bonetto (direutora d'arte), Marie-Laure Valla (decoradora del set)
Meyor cinematografía, Bruno Delbonnel
Meyor película foriata, Francia
Meyor guión orixinal, Guillaume Laurant, Jean-Pierre Jeunet
Meyor soníu, Vincent Arnardi, Guillaume Leriche, Jean Umansky

Nel añu 2002, en Francia, ganó'l Premiu César por: