Peter Zumthor
Us der alemannische Wikipedia, der freie Dialäkt-Enzyklopedy
Dr' Peter Zumthor (*26. April 1943 in Basel) isch e international bekannte schwyzer Architekt.
Er het z'erscht e Leer als Möbelschryner g'macht und denn d'Schuel fir G'schtaltig in Basel absolviert. 1966 isch er am Pratt Institute z'Neu York in de Staate als Gaschtstudänt für Architektur und Design gsii. Zrugg in dr Schwyz, isch er denn 1968 zum Architekt vo dr Bündner Dängmoolpfläg worde und het im 1978 e Lehrufftrag an dr Universität Züri bikoo. Im Joor 1979 het är en eiges Architekturbüro in Haldeschtai im Graubünde uffg'macht. Dr Zumthor hett divärsi Gastprofessore-Stelle innegha, so z.B. am SCI-ARC in Santa-Monica in de Staate, an dr Technische Universität in Münche; syt em 1996 isch är an dr Architektur Akkademie im Tessin ebefalls Professor.
[ändere] E glaini Uswahl vo syne Projäkt
- D'Felsetherme z'Vals
- S'schwyzer Pavillon an dr Expo 2000 in Hannover
- S'bündner Kunschtmuseum in Chur
- Usschtelligs- und Dokumentationszentrum "Topographie des Terrors" z'Berlin (Projäkt abbroche)
