Nyx
Us der alemannische Wikipedia, der freie Dialäkt-Enzyklopedy
Nyx personifiziert in de griechische Mythologie d Nacht (Finschternis). Si wierd mit schwarze Flügle uff m Wagen fahrend dargschtellt. Lout Homer fierchtet sich selbsch de Zeus vor de Nacht. D Nyx entschpricht de römisch Nox.
Zuem Urschprung vun de Nyx gibts voschiedeni Yberlieferunge: Wiä d Gaia un de Erebos isch au d Nyx usm [Chaos (Mythologie)|Chaos]] entschtonde. Noch de Erzählunge vun de Orphiker isch s vun Onfong ô do gsii, isch vum Wind - däm Aithir - bfruchtet worre, he s silberne Ei in de Schoss vun de Dunkelheit glegt, uss dem Eros gschlüpft isch, des isch de goldgflygelt, zweygschlechtlich, alles bwegende Gott.
In dem Ei soll obe abr au ä gähnendr, hohlar Roum gsii si - des Chaos. Unte war "s Ondere", un des isch Gaia, d Grosse Muetter, odr sin unte Okeanos gsii - noch Meinung vun de Orphiker de ältescht vun de Götter un somit nit mitm Titan Okeanos zue vowechsle - un Tethys, ä ondri grosse Göttin un in dem Fall ebesowinig mit de Titanin Tethys zue vowechsle, wue sich als ärschte mitänonder paart hen, un alli Götter un Lebewese gschaffe hen.
Nochm Hesiod isch zärscht d Dunkelheit, worus s Chaos - de gähnend, hohl Roum - entsprunge isch, gsii. Beidi hen sich mitänander paart un s isch d Nacht (Nyx), de Tag (Hemera), d Luft (Aither) un d Finschternis vun de Erdetief (Erebos).
Noch immer nochm philosophische Schöpfungsmythos vum Hesiod hen sich Nyx un Erebos paart, un s sin nebem Schlof un de Träume d Übel vun de Welt us derre Bziehung vorgonge: Voderbe, Alter (Geras), Tod (Thanatos), Zwietracht (Eris), Ärger, Elend un Entsagung, d Nemesis, d Moire un d Hesperide, wue do als bdrohlich Aschpekt vun de Mondgöttin uffscheine - abr au d Freud, d Freundschaft un s Mitleid. Als Tochter vun denne gilt zuedem d Styx, wue aber au Okeanine, d ältescht Tochter vum Okeanos un de Tethys, sii sott.
[ändere] Litratur
- Karl Kerényi, Die Mythologie der Griechen - Die Heroen-Geschichten; München (dtv) 1992 (ISBN 3-423-30031-0)
- Michael Grant und John Hazel, Lexikon der antiken Mythen und Gestalten, München (dtv) 1980 (ISBN 3-423-32508-9)
- Robert von Ranke-Graves, Griechische Mythologie, Reinbek bei Hamburg (Rowohlt) 2003 (ISBN 3-499-55404-6)
