Roggeveldberge
vanuit Wikipedia, die vrye ensiklopedie.
Die Roggeveldberge is 'n bergreeks in 'n afgeleë gebied van die Suid-Afrikaanse provinsie Noord-Kaap, wat baie min deur toeriste besoek word. Dit kom ook baie min op kaarte van Noord-Kaap of Suid-Afrika voor, want dit is nie so bekend nie. Die naam Roggeveld is afgelei van die wilde rog, wat vroeër volop in die gebied voorgekom het.
Die bergreeks lê tussen die dorpe Calvinia, 'n sentrum van die wolbedryf in Suid-Afrika, en Sutherland, die sentrum van die sterrekunde in Afrika en die koudste dorp in die land, oos en noord-oos van die Tankwa Nasionale Karoopark. Die Oubergpas in die Roggeveldberge lê 1 404 meter bo seevlak. Ringsom die Roggeveldberge strek die maanagtige landskap van die Moordenaarskaroo.
