YouTube
出自維基百科，自由嘅百科全書
YouTube係一個互聯網網站，比使用者上載睇同分享短片。佢係一個可以比網民上載睇同分享短片嘅網站，至今已成為同類型網站嘅翹楚，並造就咗多位網上名人同埋激發網上創作。
目錄 |
[編輯] 歷史
YouTube喺2005年2月成立，由查德·賀利、陳士駿（Steve Chen）、賈德·卡林姆，呢3個PayPal前僱員創辦。其創辦原意係為咗方便朋友之間分享錄影片段，逐漸成為網民嘅回憶儲存庫同埋作品發佈場所。
YouTube採用Macromedia Flash技術提供內容，包括影片同電視節目片段，音樂錄影帶同家居錄影等。YouTube嘅片段可以好容易放入個人嘅blog或其他網站入面。YouTube唔準用戶上載有版權內容嘅短片同鹹片。
有研究話YouTube嘅網站流量需求好勁，甚至每月需要比大約100萬美金嘅費用，因此喺2006年3月，YouTube開始喺網站賣廣告。
2006年4月至5月，由香港網民拍攝嘅短片巴士阿叔令YouTube喺香港聲名大噪，該片不但吸引很多香港網民進行二次創作，更吸引咗本地同外國傳媒嘅報導同埋-{注}-意，自此，香港網民紛紛上傳各種各類嘅短片至YouTube。
YouTube至2006年已有4000萬條短片，每天吸引600萬人瀏覽，喺成立後嘅短短15個月，已經超越MSN Video與Google Video等嘅競爭對手，成為呢個世紀最多人瀏覽嘅網站[1]。
2006年10月9日，Google公司用十六點五億美元收購咗YouTube網站，仲同環球唱片、SonyBMG同華納音樂同哥倫比亞廣播公司達成內容授權同保護協議，解除市場對內容供應商可能追究侵權內容而提高法律行動嘅疑慮。
[編輯] 影響同評價
[編輯] 互聯網革命：網民變資訊提供者
科技發達、寬頻同埋攝影器材嘅普及令短片資訊大行其道。呢位網民由傳統嘅接收資訊者，變成資訊發佈者，網民更可成立自已嘅私人影院、影片發佈站、新聞站，取代傳統嘅傳播媒體。如一名青年人方穎恆拍下嘅短片竟能帶嚟如此巨大嘅回響同點擊率，因此巴士阿叔令不少香港創作人意識到互聯網世界對傳統媒體嘅衝擊。 Getdemocracy.com發言人穆爾說﹕「電視同影像嘅傳播途徑，正由上而下嘅模式，轉變為由下而上。每人都可創立自己嘅新聞頻道，或上載家庭生活短片。與此同時，愈嚟愈多人欣賞網上短片，令電視嘅收視逐漸轉移至電腦螢幕[2]。」
[編輯] 網上社群
唔少網民借自拍短片分享個人珍藏同埋心得，好似一個嚟自古巴嘅美國移民埃利亞斯對男人美腿有特殊喜好，跟住喺 YouTube分享其評足心得。跟住佢發現喺Youtube有唔少志同道合嘅人，於是成立「男人腳同好」會，3個月內已招收到逾460個會員[3]亦有英國人透過短片教美國人吃以色列雅法橙蛋糕嘅方法，每天接獲約200個電郵[4]。
喺香港，亦有不少網民透過上傳短片嚟結集志同道合者，如六四事件、七一遊行嘅短片。以迷戀新聞女主播見稱嘅網民「ae2000」，亦都喺2006年開始到YouTube發佈自己嘅珍藏。
[編輯] 揭發風氣
巴士阿叔事件後，YouTube湧現咗不少香港網民透過手機拍攝-{巴士}-、小巴、地鐵乘客眾生相嘅影片。因此，YouTube呢種網站對短片拍攝者，甚至一般喺公眾場所活動嘅市民也有影響。
[編輯] 協助破案
《鴨記啊叔偷野實錄》: 原載《東方日報》2006年8月31日 [5] 一間鴨寮街影音店內閉路電視拍下有人偷竊，事後短片被上載YouTube 任人瀏覽，有警務人員驚覺片中嘅主角懷疑係同袍，結果該名即將退休嘅警察伯伯已經被捕，案件交由深水埗區重案組調查。
英國也曾有憑YouTube協助破案嘅實例，一名青年喺街上搶去佢人嘅眼鏡，其過程給人錄下，並將之放上YouTube，當地警方憑著短片中人嘅容貌，把涉案嘅青年拘捕。[6]
[編輯] 侵犯版權
YouTube自成立以嚟，其短片曾被不少機構同埋公司批評為侵犯版權，如Saturday Night Live broadcast、NBC Universal、Family Guy videos owners、Turner Media、Sunrise等。被指為侵權嘅短片喺版權持有人要求下，YouTube亦會將之刪除。
[編輯] 影片白癡主義
PC Magazine發言人稱﹕「沈迷短片很浪費時間。一旦迷上，就會變成iVideots（影片白癡）。呢可說係影片白癡主義……YouTube就像吃玉米花，令人欲罷不能」[7]。
[編輯] 鼓吹社會不良風氣
2006年6月1日，英國獨立電視台（ITV）批評YouTube同近似嘅網站鼓吹暴力，因為呢些網站上傳咗由手機拍攝嘅打鬥影片。雖然YouTube禁止過份暴力同埋色情嘅影片，但ITV指與呢些網站溝通時有一定困難。
2006年8月11日至19日，英國極右派團體喺YouTube張貼數段恐嚇影片，模仿伊斯蘭教激進份子「殉道烈士」錄影帶，每段影片嘅長度係二至三分鐘。影片內容係一群白人男性荷槍實彈，手持刀刃棍棒，仿效恐怖份子蒙面裝扮，警告所有穆斯林馬上離開英國。影片中，一名操威爾斯口音嘅男子警告英國穆斯林若不「回家」就會被活活燒死，並說全英國已有許多「同志」受夠咗穆斯林。英國伊斯蘭人權委員會執行長Massoud Shadjareh說，呢些影片嘅出現相當令佢憂心。英國反法西斯主義雜誌《探照燈》發行人Gerry Gable譴責YouTube容許呢類提倡恐怖主義嘅影片存喺。
[編輯] 注釋
- ↑ 《YouTube掀全球短片熱 本世紀最旺網站 「巴士阿叔」熱爆香江》，原載《明報》，2006年5月31日
- ↑ 《YouTube掀全球短片熱 本世紀最旺網站 「巴士阿叔」熱爆香江》，原載《明報》，2006年5月31日。
- ↑ 《戀腳癖教欣賞男人美腿》，原載《明報》，2006年5月31日。
- ↑ 《YouTube用家心聲﹕少女教吃橙味蛋糕》，原載《明報》，2006年5月31日。
- ↑ 《鴨記啊叔偷野實錄》: 原載《東方日報》2006年8月31日
- ↑ "YouTube助捉賊朋友上載短片「靠害」", 《明報》, 2006年10月29日
- ↑ 《YouTube掀全球短片熱 本世紀最旺網站 「巴士阿叔」熱爆香江》，原載《明報》，2006年5月31日
