Tchitchron
Èn årtike di Wikipedia.
Tchitchron est on ptit rixhlot ki dschind dins les bwès d' Poitchrece on pô dzo l' rascontraedje di l' Our avou Lesse, nén lon do pont des coxhetes.
L' aiwe di ç' bî la est si peure ki les trûtes î vnèt froyî a foujhon, a té pont ki les forestîs ont amenaedjî dins l' lét do bî, des batchs po-z arester les pexhons ki montèt et les cis ki dschindèt. Å moumint del froye, les pexhons, prijhnîs des batchs, sont contés tos les djoûs et rtapés a l' aiwe pa dizeu ou pa dzo les dits batchs.
Dins li tchåte di Wandelaicus mansus, il ere dedja kestion di Tchitchron k' on rmet avou li Cancaronis del tchåte. C' est l' aboutixhmint dins Lesse di l' aiwe ki sourdeut dins l' manse da Wandelaïc.
