Pierre Faulx
Èn årtike di Wikipedia.
Pierre Faulx a skepyî e 1922 et a morou e 1998. I pout esse waitî come li pus grand fjheu di spots, di djhêyes et d' kitoirdowès pinsêyes e walon. C' est lu ki va batijhî ci sôre di court cotuzaedje la, ki, par après on lomrè, tot biesmint come lu, "pinsêye".
Pierre Faulx eplaida ses prumîs rimas dins des rvowes e walon "L' agaesse", "El Tchariguete" ossu timpe k' e 1942. Adonpwis, i scrijha des pîces di teyåte. Mins c' est på publiaedje di ses pinsêyes k' i va esse kinoxhou long et lådje. Il a cmincî a les scrire ses pinsêyes å cminçmint des anêyes 1970.
Gn ourit cénk mwaisses-lives : Pensées wallonnes (1972); "Pinsêyes walones: deujhinme bouket … (1976); "Diccionaire do ptit Roucha" (1982), "Sapinse a mi" (1986); "Poeve et sé did ci" (1989). On ramexhnaedje di ses meyeus bokets fourit replaidîs på Bourdon e 1998, dizo titraedje "Å rvwer, todi".
Come di djusse, Pierre Faulx est rprins dins l' grosse Antolodjeye da Piron et dins Scrire. Il a eto rascodou li Pris del Veye di Lidje.
Ådvins |
[candjî] Pierre Faulx et les soces di waloneus
I moussa a l' ALWAK tot djonne et i dvénrè minme li peneu. Onk de prumîs peneus d' ene soce di scrijheus ki fjheut si rapoirt di tos ls ans e walon, dedja e 1967
A moussî a l' SLLW e 1990.
[candjî] Cossemaedje des "Pinsêyes" da Pire Få
Les "Pinsêyes" da Pire Få ont stî rprinjhes dins bråmint des rvowes e walon : Li Chwès, les Cayés Walons, Intrez don.
Li stîle di pinsêyes da Pire Få a dné des idêyes a des ôtes sicrijheus come Nicolas Ghislain, Romain Bellaert. Achille Goethals et aprume Robert Arcq
[candjî] Corwaitaedje des pinsêyes da Pierre Faulx pa J.L. Fauconnier
Ene pinsêye da Pierre Faulx, on riyeut a l' etinde; pu on s' meteut, lu eto, a tuzer et comprinde, adon, ki n' esteut nén des ptitès prôtes, ki c' esteut bråmint pus parfond. Ene pinsêye da Pire Faulx, c' est, avou des mots ki nos tayons nos ont leyî, nos fé sorire aprume, pu nos moenner bråmint pus lon. A môde di rén, e fjhant shonnance di rire di lu-minme, Pire Få nos fwait pinser a çki nos estans, a çou k' nos vlans, a çki nos serans, a çki nos dvénrans.
