Charles Bruneau
Èn årtike di Wikipedia.
Charles Bruneau, c' esteut on grand linwincieus francès, vinou e monde a Tchô el Walonreye di France. Il a studyî les pårlers del Bijhe do dpårtumint des Årdenes francesses, k' i lome les “patwès d' Årdene”. Il aveut stî enondé po ça pa Jules Gillieron. Il a cmincî a-z eplaidî ses trovas e 1913.
- Etude phonétique des patois d'Ardenne (1913), la k' il esplike li sistinme di l' Alfabet Fonetike Eternåcionå, k' i s' va siervi po ses rcwerances.
- La limite des dialectes wallon, champenois et lorrain en Ardenne (1913), la k' i rwaite li djeyografeye des troes lingaedjes, aprume dins l' Payis di Smwès, li bote di Djivet, eyet li bote do Hinnot;
- Enquête linguistique sur les patois d'Ardenne, tome I (1914).
- Enquête linguistique sur les patois d'Ardenne, tome II (1926).
Ces deus dierins lives la sont bastis a pårti d' ene djivêye di 1704 mots francès, k' on dene tos les prononçaedjes dins les 93 viyaedjes k' ont stî studyîs. Les rzultas di l' inkete da Bruneau rissievront sovint dins l' A.L.W. pol payis di Smwès et l' Gåme.
Tchåle Bruneau si sieve d' on sistinme k' il a dandjreus edvinté (u eployî påzès diyalectolodjisses ou latinisses) po scrire des sons k' i gn aveut nén moyén di scrire avou les letes normåles del croejhete. Ci n' est nén l' Alfabet Fonetike Eternåcionå.
Charles Bruneau a divnou professeu al Sorbone. Il a scrît l' adrovaedje do motî da A. Vauchelet so les pårlers d' Årdene francesse.
[candjî] Djivêye des viyaedjes walon-cåzants ricwerous dins Bruneau
| Viyaedje walon | Limero diyalectolodjike Bruneau | Limero diyalectolodjike A.L.W. | A rilever |
| Nådjumont | Br 1 | Ph 59 | |
| Dweche | Br 2 | Ph 59 | |
| Fweche | Br 3 | - | |
| Fromlene | Br 4 | - | (France) |
| Han-so-Mouze | Br 5 | - | (France) |
| Idje | Br 7 | - | (France) |
| Tchô | Br 8 | Ar 1 | (France) |
| Rancene | Br 9 | - | (France) |
| Vireu | Br 10 | - | (France) |
| Montneye-so-Mouze | Br 11 | - | (France) |
| Landritchamp | Br 12 | - | (France) |
| Felene | Br 13 | D 105 | |
| Fepén | Br 14 | - | (France) |
| Aibe | Br 15 | - | (France) |
| Arniye | Br 16 | Ar 2 | (France) |
| Li Grande Boursegne | Br 17 | D 110 | |
| Fumwè | Br 18 | - | (France) |
| Vierziye | Br 19 | D 114 | |
| Li Ptite Louwate | Br 20 | D 119 | |
| Rivin | Br 21 | - | (France, mitan tchampnwès) |
| Hodrémont | Br 26 | D 122 | |
| Nafraiteure | Br 27 | D 126 | |
| Orcîmont | Br 36 | D 127 | |
| Vresse | Br 38 | D 135 | (mitan tchampnwès) |
| Les Tchairires | Br 39 | ||
| Laforet-so-Smwès | Br 48 | ||
| Mouzaive | Br 49 | ||
| Yåle | Br 50 | D141 | |
| Rotchô | Br 51 | Ne 51 | |
| Frôhan | Br 52 | ||
| Pouphan | Br 58 | Ne 68 | |
| Dôhan | Br 61 | Ne 71 | |
| Cugnon | Br 62 | Ne 72 | (aschate avou l' gåmès) |
| Arbûmont | Br 63 | Ne 60 | (aschate avou l' gåmès)
|
